24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Օրբանն արգելափակել է Ուկրաինայի վերաբերյալ ԵՄ անդամ բոլոր՝ 27 երկրների հռչակագիրը
Քաղաքականություն
21.03.2025 | 15:48
Հունգարիայի վարչապետ Վիկտոր Օրբանը հերթական անգամ արգելափակել է Ուկրաինայի վերաբերյալ ԵՄ անդամ բոլոր՝ 27 երկրների համատեղ հռչակագրի ընդունումը։
«Վետո։ Բավակա՛ն է: Մենք հունգարացի ժողովրդին կհարցնենք ԵՄ-ին Ուկրաինայի անդամակցության մասին։ Մինչ այդ, մենք չենք կարող աջակցել որևէ ընդհանուր դիրքորոշման այս հարցում»,- գրել է նա X-ի իր միկրոբլոգում։
ԵՄ հռչակագիրը պարունակում է Կիևին աջակցող հայտարարություններ: Այն ստորագրած երկրները կոչ են արել «անհապաղ ակտիվացնել ջանքերը Ուկրաինայի հրատապ ռազմական և պաշտպանական կարիքները բավարարելու համար»:
Հայտարարության մեջ ասվում է նաև, որ ԵՄ-ն կշարունակի ճնշում գործադրել Ռուսաստանի վրա և կուժեղացնի Ուկրաինայի պաշտպանունակությունը կանոնավոր ֆինանսական և ռազմական աջակցության միջոցով:
Թարգմանությունը՝ Էմմա Չոբանյանի
