08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Էրդողանը հեռախոսազրույցը կունենա Պուտինի հետ
Քաղաքականություն
20.03.2025 | 14:18
Սպասվում է, որ Թուրքիայի նախագահ Ռեջեփ Թայիփ Էրդողանն այս շաբաթ հեռախոսազրույց կունենա Ռուսաստանի նախագահ Վլադիմիր Պուտինի հետ՝ քննարկելու Ուկրաինայում շարունակվող հակամարտությունը։ Այս մասին հայտնել է Hurriyet-ի հոդվածադիր Աբդուլքադիր Սևելին՝ հղում անելով անանուն աղբյուրներին:
«Քննարկվում է նաև ռուս-ուկրաինական պատերազմը։ Հատկապես խաղաղության բանակցությունները։ Չի բացառվում, որ այս շաբաթ նախագահ Էրդողանը հեռախոսազրույց ունենա ՌԴ նախագահ Պուտինի հետ»,- ասվում է հրապարակման մեջ։
Հաղորդվում է նաև, որ Էրդողանը չի մասնակցի Բրյուսելում ԵՄ գագաթնաժողովին։
«Լեհաստանի վարչապետ Տուսկի այցից հետո հավանականություն կա, որ նախագահ Ռեջեփ Թայիփ Էրդողանը կմասնակցի Բրյուսելում կայանալիք ԵՄ առաջնորդների հանդիպմանը։ Միաժամանակ, նախագահ Էրդողանը չի մասնակցի այսօր մեկնարկող գագաթնաժողովին, որովհետև Եվրոպայի միտքն անհասկանալի է: Նրանք դեռ չգիտեն՝ ինչ անել»,- գրել է Սևելին։
Պուտինի հետ սպասվող հեռախոսազրույցը հաջորդում է մարտի 16-ին ԱՄՆ նախագահ Դոնալդ Թրամփի հետ Էրդողանի հեռախոսազրույցին, որի ընթացքում կողմներն անդրադարձել էին ուկրաինական հակամարտության կարգավորմանն ուղղված ջանքերին և խաղաղ բանակցությունների հնարավորությանը:
Թարգմանությունը՝ Էմմա Չոբանյանի
