15.02.2026 | 14:43
Մայր Աթոռը լինելու է Հայաստանում, եթե նույնիսկ ոմանց պատճառով Հայաստանի Հանրապետությունը չլինի. Նաթան արքեպիսկոպոս Հովհաննիսյան
Հովհաննիսյանն ու Սարգսյանը ԵԱ-ի առաջատարին զիջում են կես միավորով
20.03.2025 | 10:30
Հայաստանը ներկայացնող շախմատիստները շարունակում են պայքարը Եվրոպայի անհատական առաջնությունում:
«Արմենպրես»-ի հաղորդմամբ` մրցաշարի 5-րդ տուրում հաղթանակ են տոնել Ռոբերտ Հովհաննիսյանը, Գաբրիել Սարգսյանը, Հայկ Մարտիրոսյանը, Արամ Հակոբյանը, Հայկ Երիցյանը: Իրենց պարտիաները խաղաղ արդյունքով են ավարտել Շանթ Սարգսյանը, Սարգիս Սարգսյանը, Արսեն Դավթյանը: Արթուր Դավթյանը պարտվել է:
Այս տուրից հետո Ռոբերտ Հովհաննիսյանը և Գաբրիել Սարգսյանն առաջատարին զիջում են կես միավորով և ունեն 4,5 միավոր:
Շախմատի Եվրոպայի անհատական առաջնությունն անցկացվում է Ռումինիայում: Այն մեկնարկել է մարտի 15-ին և կեզրափակվի մարտի 26-ին: Մրցաշարին մասնակցում է 390 շախմատիստ: Հայաստանից առաջնությանը մասնակցում է 10 շախմատիստ:
