ԱՄՆ նախագահն առաջարկել է ուկրաինական ատոմակայանների նկատմամբ ամերիկյան վերահսկողություն․ հայտնի են Թրամփ-Զելենսկի զրույցի մանրամասները

Լուրեր

19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
19.11.2026 | 20:16
Ոստիկանները կանխել են գողություն կատարած երիտասարդների փախուստը․ երկու անձ ձերբակալվել է. ՆԳՆ
19.11.2026 | 20:00
Փաշինյանի առաջարկն ընդդիմությունը չպիտի ընդունի․ Սերժ Սարգսյանը ևս խոստանում էր վարչապետ չառաջադրվել․ Գևորգ Սաֆարյան․ ՏԵՍԱՆՅՈՒԹ
19.11.2026 | 19:48
ՀՀ որոշ շրջաններում ձյուն է տեղում
19.11.2026 | 19:35
«Արջ քորող»-ից մինչև «եղկելի»․ Գալյանի նախագիծը Փաշինյանին չի հուզում․ ՏԵՍԱՆՅՈՒԹ
19.11.2026 | 19:26
ՀՀ-ում կանցկացվի սպորտային մարմնամարզության մեծահասակների Եվրոպայի առաջնություն
Բոլորը

ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկիի հեռախոսազրույցի մասին համատեղ հայտարարությամբ մանրամասներ են ներկայացրել պետքարտուղար Մարկո Ռուբիոն և նախագահի Ազգային անվտանգության հարցերով խորհրդական Մայքլ Ուոլցը։

Նշվում է, որ «ֆանտաստիկ հեռախոսազրույց» է տեղի ունեցել կողմերի միջև։ Նախագահ Զելենսկին շնորհակալություն է հայտնել նախագահ Թրամփին մարտի 11-ին Ջիդդայում ուկրաինական և ամերիկյան թիմերի աշխատանքի արդյունավետ մեկնարկի, նաև Միացյալ Նահանգների աջակցության համար, հատկապես, Javelin հրթիռների, որոնք նախագահ Թրամփը առաջինն է տրամադրել։

Առաջնորդները պայմանավորվել են, որ Ուկրաինան և ԱՄՆ-ը ​​կշարունակեն աշխատել միասին՝ պատերազմին իրական վերջ դնելու համար, և որ նախագահ Թրամփի ղեկավարությամբ կարող են հասնել կայուն խաղաղության։

Հաղորդվում է, որ Թրամփը Զելենսկիին տեղեկացրել է Ռուսաստանի նախագահ Վլադիմիր Պուտինի հետ ունեցած զրույցի և քննարկված առանցքային հարցերի մասին։ Նրանք գնահատել են իրավիճակը Կուրսկում և պայմանավորվել տեղեկատվություն փոխանակել իրենց պաշտպանական անձնակազմերի միջև, քանի որ մարտադաշտում իրավիճակը զարգանում է:

Զելենսկին խնդրել է հավելյալ հակաօդային պաշտպանության համակարգեր տրամադրել՝ իր քաղաքացիներին պաշտպանելու համար, մասնավորապես, Patriot հրթիռային համակարգեր, և Թրամփը համաձայնել է աշխատել՝ գտնելու այն, ինչ հասանելի է, հատկապես՝ Եվրոպայում:

«Երկու երկրների ղեկավարները նաև պայմանավորվել են էներգետիկ ոլորտում մասնակի հրադադարի մասին։ Տեխնիկական թիմերն առաջիկա օրերս հանդիպելու են Սաուդյան Արաբիայում՝ քննարկելու հրադադարի ռեժիմի երկարաձգման հարցը դեպի Սև ծով՝ հրադադարի ամբողջական դադարեցման ճանապարհին։ Նրանք համաձայնեցին, որ սա կարող է լինել առաջին քայլը պատերազմն ամբողջությամբ դադարեցնելու և անվտանգությունն ապահովելու ուղղությամբ։ Նախագահ Զելենսկին երախտագիտություն է հայտնել նախագահին այս ջանքերում իր առաջնորդության համար և վերահաստատել պատրաստակամությունը՝ հասնելու լիակատար հրադադարի»,- ասվում է հաղորդագրության մեջ։

Նշվում է, որ Թրամփը քննարկել է նաև Ուկրաինայի էլեկտրամատակարարումն ու ատոմակայանները։ Նա ասել է, որ Միացյալ Նահանգները կարող է մեծ օգնություն ցույց տալ այդ կայանների գործարկման հարցում՝ էլեկտրաէներգիայի և կոմունալ ծառայությունների ոլորտում իր փորձով: Ասվել է, թե այս կայանների՝ ամերիկյան վերահսկողությունը լավագույն պաշտպանությունը և աջակցությունը կլինի Ուկրաինայի էներգետիկ ենթակառուցվածքին։

Ըստ հաղորդագրության՝ Զելենսկին նաև շնորհակալություն է հայտնել Թրամփին հումանիտար խնդիրների առաջխաղացման համար, ներառյալ՝ ռազմագերիների փոխանակումը: Թրամփը նաև հարցրել է Զելենսկիին պատերազմի ժամանակ Ուկրաինայում անհետ կորած երեխաների մասին, ներառյալ՝ նրանց, որոնք առևանգվել են։ Նա խոստացել է սերտորեն համագործակցել երկու կողմերի հետ՝ օգնելու ապահովել այդ երեխաների վերադարձը:

Զրուցակիցները համաձայնել են, որ բոլոր կողմերը պետք է շարունակեն ջանքերը՝ հրադադար ապահովելու համար։ Երկու երկրների նախագահները նշել են իրենց խորհրդականների և ներկայացուցիչների, հատկապես՝ պետքարտուղար Ռուբիոյի, ազգային անվտանգության հարցերով խորհրդական Ուոլցի, հատուկ բանագնաց Քելլոգի և այլոց դրական աշխատանքը։

«Նախագահներն իրենց թիմերին հանձնարարել են առաջ տանել տեխնիկական հարցերը՝ կապված մասնակի հրադադարի իրականացման և ընդլայնման հետ, նաև հանձնարարել են հնարավորինս արագ իրականացնել այդ աշխատանքները։ Նրանք ընդգծել են, որ հետագա հանդիպումների ժամանակ թիմերը կարող են պայմանավորվել կայուն խաղաղության և անվտանգության ուղղությամբ շարժվելու բոլոր անհրաժեշտ ասպեկտների շուրջ»,- ասվում է հաղորդագրության մեջ։

Թարգմանությունը՝ Էմմա Չոբանյանի