11.08.2026 | 18:50
Մտածո՞ւմ եք, որ եթե պարոն Ալեքսանյանին մոտ նստեք, կարող է միգրացիա լինել ՔՊ, հույս չունենաք. Նազելի Բաղդասարյան. ՏԵՍԱՆՅՈՒԹ
ՀՀԿ իշխանության օրոք իրականացված չարաշահումների, կոռուպցիոն զանազան մեխանիզմների հսկա շարանը. «Ժողովուրդ»
02.10.2018 | 09:43
«Ժողովուրդ» թերթը գրում է.
Այսօր դժվար է գտնել որեւէ պետական կառույց, որտեղ անկացված ստուգումների արդյունքում չբացահայտվեն ՀՀԿ իշխանության օրոք իրականացված չարաշահումների, կոռուպցիոն զանազան մեխանիզմների հսկա շարան: Օրինակ` Կոտայքի մարզի Քասախ համայնքում անցկացված ստուգումների արդյունքում պարզվել է՝ համայնքային 5 ծառայողներ ստացել են իրենց պաշտոնային դրույքաչափի նկատմամբ 55-110 տոկոսի չափով հավելավճարներ: Մինչդեռ պետական պաշտոն զբաղեցնող անձանց լրացուցիչ աշխատավարձը չի կարող գերազանցել հիմնական աշխատավարձի 30 տոկոսը: Ու առաջիկայում Քասախի 22 տարվա ՀՀԿ-ական գյուղապետ Արա Մկրտչյանը հնարավոր է հայտնվի մեղադրյալի աթոռին:
«Ժողովուրդ» օրաթերթին հայտնի դարձավ, որ այդ ստուգումները մարզպետարանն իրականացրել է գյուղի 900-ից ավելի բնակիչների դիմում-բողոքի հիման վրա: Նման պատկեր է նաեւ Տավուշի մարզի Ազատամուտ գյուղում. այստեղ էլ նախկինում ԲՀԿ-ական, հետո ՀՀԿ-ական Ժորա Մարտիրոսյանի հրաժարականի պահանջով բողոքի ցույցեր ու անգամ դպրոցում դասադուլ է սկսվել: Բանը հասել է նրան, որ Տավուշի մարզպետ Վահե Ղալումյանն է մեկնել այնտեղ` փորձելով հանդարտեցնել կրքերը: Միաժամանակ, քրգործ է հարուցված համայնքապետի դեմ: Թե ինչ ընթացք կունենան իրադարձությունները, ցույց կտա ժամանակը:
Առավել մանրամասն՝ թերթի այսօրվա համարում:
