15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Ուկրաինայում մտավախություն ունեն, որ Թրամփը կարող է համաձայնել՝ ՌԴ-ին հանձնել Օդեսան. NYT
18.03.2025 | 20:44
ԱՄՆ և ՌԴ նախագահներ Դոնալդ Թրամփի և Վլադիմիր Պուտինի հեռախոսազրույցի ֆոնին The New York Times-ը հոդված է հրապարակել, որտեղ նշվում է, որ նրանց բանակցությունները «կենտրոնանալու են այն բանի վրա, թե ինչ կկորցնի Ուկրաինան» պատերազմի խաղաղ հանգուցալուծման ժամանակ։
Ըստ լրատվամիջոցի՝ Թրամփի օգնականները հասկացրել են, որ Ռուսաստանը, «անշուշտ, կպահի Ղրիմը», որը բռնակցել է 2014 թվականին, ինչպես նաև «վճռականորեն ենթադրել, որ նա կստանա իր տիրապետած գրեթե ամբողջ տարածքը», այսինքն՝ Ուկրաինայի հողերի մոտ 20%-ը։
Միաժամանակ, նշվում է, որ Ուկրաինայի նախագահ Վլադիմիր Զելենսկիի օգնականները փետրվարին լրատվամիջոցին հայտնել են, թե մտահոգված են, որ Թրամփը կարող է բավարարել «Պուտինի այլ ցանկություններ»՝ կապված որոշ այլ տարածքների հետ, այդ թվում, հնարավոր է՝ Օդեսայի՝ կարևոր նավահանգստի հետ։
The New York Times-ը չի հստակեցնում, թե ուկրաինացի ներկայացուցիչների մտահոգությունները ինչի վրա են հիմնված։
Թարգմանությունը՝ Էմմա Չոբանյանի
