19.02.2026 | 23:55
Եպիսկոպոսաց հավաքը հանդես է եկել հայտարարությամբ
Factor TV-ի հրապարակումից հետո քրգործ է հարուցվել` բուսաբանական այգուց հատված ծառերի դեպքով
Հասարակություն
18.03.2025 | 17:45
Factor TV-ի հրապարակումից հետո Քննչական կոմիտեն քրեական վարույթ է նախաձեռնել Երևանի բուսաբանական այգուց 20-ից ավելի հաստաբուն կաղնիների հատման դեպքով։
Այս մասին Factor.am-ի հարցմանն ի պատասխան հայտնում են ՔԿ-ից` նշելով, որ նախաձեռնվել է քրեական վարույթ՝ Քրեական օրենսգրքի 387-րդ հոդվածի 2-րդ մասի 4-րդ կետի հատկանիշներով (ծառերը, թփերը կամ բուսածածկն ապօրինի հատելը կամ ապօրինի ձեռք բերված կոճղերը, ծառերը կամ թփերը տեղափոխելը):
Հիշեցնենք` Factor.am-ը շաբաթ օրվանից հետևողականորեն լուսաբանում է այս խնդիրը։ Արդեն հայտնել ենք, որ այգուց հատվել են 20 ավելի հաստաբուն ծառեր։ Երեկ Factor TV-ն այցելել էր այգու տարածք, արձանագրել, որ կաղնու արահետում մնացել են կոճղերը։ Տեղում հանդիպել ենք այգու պատասխանատուների` տնօրեն Ժաննա Հովակիմյանի, գիտական խորհրդի նախագահ Ժիրայր Վարդանյանի և փոխտնօրեն Նորիկ Շատոյանի հետ։ Նրանցից որևէ մեկը այդպես էլ փաստաթուղթ չի կարողացել տրամադրել, թե կաղնիներն ինչ հիմքով են կտրվել։ Տնօրենը փոխանցել է` իր որոշմամբ հանձնաժողով է ձևավորվել, որպեսզի պարզեն` ինչ հիմքով են ծառերը կտրել։ Հանձնաժողովի եզրակացությունը պատրաստ է լինելու 3 օրից։
Նարեկ Կիրակոսյան
