25.05.2026 | 14:44
Վանաձորում սպանության նախապատրաստման գործով քրեական հեղինակություն և ևս երկու անձ է կալանավորվել
Էրդողանը ցանկանում է ապրիլին Սպիտակ տանը հանդիպել Թրամփի հետ
Քաղաքականություն
18.03.2025 | 13:40
Թուրքիայի նախագահ Ռեջեփ Թայիփ Էրդողանն աշխատում է ապրիլի վերջին Սպիտակ տանը ԱՄՆ նախագահ Դոնալդ Թրամփի հետ հանդիպում կազմակերպելու ուղղությամբ։ Այս մասին Bloomberg-ին հայտնել են թուրք պաշտոնյաները՝ անանունության պայմանով։
Թուրքական կառավարությունը Թուրքիայի և ԱՄՆ-ի միջև ռազմավարական գործընկերության ամրապնդումը կարևոր է համարում տարածաշրջանային կայունության համար, հատկապես, երբ Անկարան նպատակ ունի հանդես գալ որպես հիմնական միջնորդ՝ ուկրաինական ճգնաժամից մինչև Սիրիայում շարունակվող հակամարտությունը:
Անանունության պայմանով Bloomberg-ի հետ զրույցում պաշտոնյաները նաև ընդգծել են Թուրքիայի՝ որպես ՆԱՏՕ-ի հենասյունի դերի կարևորությունը, հատկապես, երբ Միացյալ Նահանգները վերագնահատում է Եվրոպայի հանդեպ իր պարտավորությունները:
Թուրքիայի կառավարությունից հրաժարվել են մեկնաբանել ծրագրված հանդիպումը։
Հիշեցնենք, որ ավելի վաղ Էրդողանն ու Թրամփը հեռախոսազրույց էին ունեցել։
Ի դեպ, Ջո Բայդենի վարչակազմի օրոք Սպիտակ տանը ԱՄՆ-ի և Թուրքիայի նախագահների հանդիպում տեղի չի չունեցել։
Թարգմանությունը՝ Էմմա Չոբանյանի
