06.12.2025 | 12:34
Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իրանը մանրակրկիտ վերլուծելուց հետո կպատասխանի Թրամփի նամակին
Քաղաքականություն
17.03.2025 | 18:40
Իրանի արտաքին գործերի նախարարության խոսնակ Էսմայիլ Բաղային հայտարարել է, որ Թեհրանը պաշտոնապես ԱՄՆ նախագահ Դոնալդ Թրամփի նամակին կպատասխանի այն մանրակրկիտ վերլուծելուց հետո՝ հավելելով, որ ԶԼՄ-ներում շրջանառվող ենթադրությունները ճշգրիտ չեն, գրում է Mehr գործակալությունը։
Ճեպազրույցի ժամանակ նա հրաժարվել է հրապարակել նամակի բովանդակությունը, սակայն ընդգծել է, որ այն էականորեն չի տարբերվում Թրամփի՝ հրապարակայնորեն հայտարարված դիրքորոշումներից։ Նա նաև հերքել է Իրանի ԱԳ նախարար Աբբաս Արաղչիի՝ Օման կատարած այցի և նամակի միջև որևէ կապ՝ պարզաբանելով, որ այցը կապված է տարածաշրջանային զարգացումների և Ջիդդայում վերջին հանդիպումների հետ։
Ավելի վաղ Իրանի նախագահ Մասուդ Փեզեշքիանը կտրուկ դատապարտել էր Թրամփի վարչակազմի մաքսիմալիստական մոտեցումն Իրանի նկատմամբ՝ ասելով, որ Թեհրանը Ուկրաինա չէ և չի բանակցի ԱՄՆ-ի հետ սպառնալիքների կամ հարկադրանքի ներքո։
Իրանի գերագույն հոգևոր առաջնորդ այաթոլլահ Ալի Խամենեիին ուղղված Դոնալդ Թրամփի նամակը փոխանցվել էր ԱՄԷ-ի միջոցով։
Թարգմանությունը՝ Էմմա Չոբանյանի
