06.10.2026 | 17:54
Վահագն Խաչատուրյանն ու Գերմանիայի դեսպանը քննարկել են երկկողմ հարաբերությունների զարգացումը
Երեք ապատեղեկատվություն՝ մեկ օրում․ ՀՀ ՊՆ-ն հերքում է՝ ԶՈՒ-ն կրակ չի բացել ադրբեջանական դիրքերի ուղղությամբ
Քաղաքականություն
16.03.2025 | 21:50
Ադրբեջանի պաշտպանության նախարարությունը շարունակում է ապատեղեկատվություն տարածել․ հայտնում է ՀՀ ՊՆ մամուլի քարտուղար Արամ Թորոսյանը։
Ադրբեջանի ՊՆ հաղորդագրությունը, թե իբր մարտի 16-ին՝ ժամը 20։10-20։45-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։
Նշենք, որ այսօր ՀՀ ՊՆ-ն արդեն երրորդ անգամ է հերքում Ադրբեջանի տարածած հաղորդագրությունները, թե հայկական զինված ուժերը կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ։ Առաջին հերքումը ՊՆ-ն հրապարակեց այսօր՝ ժամը 13։45-ի, երկրորդը՝ 20։45-ի սահմաններում։
Նախարարությունից հիշեցնում են՝ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։
