24.06.2026 | 21:29
Կալիֆոռնիայի հյուսիսում 5.6 մագնիտուդով երկրաշարժ է գրանցվել
Հյուսիսային Մակեդոնիայի գիշերային ակումբներից մեկում բռնկված հրդեհի հետևանքով շուրջ 60 մարդ է զոհվել
Քաղաքականություն
16.03.2025 | 21:35
Հյուսիսային Մակեդոնիայում մարտի 16-ի գիշերը դիսկոտեկում բռնկված հրդեհի հետևանքով տասնյակ մարդիկ են մահացել։ Երկրի ներքին գործերի նախարար Պանչե Տոշկովսկին լրագրողներին հայտնել է, որ առնվազն 59 մարդ մահացել է, ավելի քան 100-ը տեղափոխվել են մոտակա մի քանի քաղաքների հիվանդանոցներ. փոխանցում է DW-ն։
Հյուսիսային Մակեդոնիայի ներքին գործերի նախարարության տեղեկությունների համաձայն՝ հրդեհի պատճառը դարձել են պիրոտեխնիկական միջոցների օգտագործման հետևանքով առաջացած կայծերը, որոնք բռնկել են առաստաղը: Կրակը արագ տարածվել է ամբողջ դահլիճում՝ ստեղծելով խիտ ծուխ։
Նախնական տվյալներով՝ հրդեհը բռնկվել է հայտնի հիփ-հոփ խումբ «ДНК»-ի համերգի ժամանակ՝ Pulse գիշերային ակումբում, որը գտնվում է Կոչանի քաղաքում՝ երկրի հյուսիս-արևելքում, մոտ 100 կմ հեռավորության վրա մայրաքաղաք Սկոպյեից:
Միջոցառմանը ներկա է եղել մոտ 1500 մարդ, հիմնականում՝ երիտասարդներ: Պաշտոնական տվյալներով՝ միջոցառումը սկսվել է կեսգիշերին, իսկ հրդեհը բռնկվել է մոտ 02:35-ին:
Դեպքի առնչությամբ ձերբակալվել է մի քանի անձ, կա չորս կալանավորված։ Դեպքի հանգամանքները քննվում են։
