08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփը հայտնել է, որ Պուտինի հետ լավ և արդյունավետ քննարկում է տեղի ունեցել
Քաղաքականություն
14.03.2025 | 18:22
ԱՄՆ նախագահ Դոնալդ Թրամփը հայտնել է, որ ՌԴ նախագահ Վլադիմիր Պուտինի հետ լավ և արդյունավետ քննարկում է տեղի ունեցել։
«Մենք երեկ շատ լավ և արդյունավետ քննարկումներ ունեցանք Ռուսաստանի նախագահ Վլադիմիր Պուտինի հետ։ Շատ լավ հնարավորություն կա, որ այս սարսափելի, արյունալի պատերազմը վերջապես կարող է ավարտվել»,- գրել է Թրամփը իր Truth Social սոցցանցում։
Նա նշել է, որ այս պահին ուկրաինացի հազարավոր զինվորականներ շրջապատված են ռուս զինվորների կողմից և խոցելի դիրքում են։
«Ես խստորեն հորդորել եմ նախագահ Պուտինին խնայել նրանց կյանքը։ Սարսափելի կոտորած կլիներ, որը չէր եղել Երկրորդ համաշխարհային պատերազմից հետո»,- հայտարարել է ԱՄՆ նախագահը։
Ավելի ուշ Սպիտակ տան խոսնակ Քերոլայն Լևիթը պարզաբանել է, որ խոսքը Վլադիմիր Պուտինի հետ Մոսկվա ժամանած ԱՄՆ հատուկ բանագնաց Սթիվ Ուիթկոֆի հանդիպման մասին է։
Թարգմանությունը՝ Էմմա Չոբանյանի
