17.07.2026 | 20:21
Գևորգ Պապոյանի գլխավորությամբ քննարկվել են արտահանման աջակցության և անասնաբուժության ոլորտի ծրագրերը
Բաքուն դեմ է եղել ԵԱՀԿ բյուջեից Մինսկի խմբի կառույցների ֆինանսավորմանը
Քաղաքականություն
14.03.2025 | 16:32
2024 թվականի ԵԱՀԿ միասնական բյուջեի քննարկման ժամանակ Ադրբեջանը դեմ է արտահայտվել Մինսկի գործընթացին (խմբին) առնչվող ինստիտուտների գործունեությունը ֆինանսավորելու համար միջոցներ հատկացնելուն։ Այս մասին ասվում է Ադրբեջանի Նախարարների կաբինետի՝ 2024 թվականի գործունեության վերաբերյալ զեկույցում, գրում են ադրբեջանական լրատվամիջոցները։
Զեկույցում նշվում է, որ Ադրբեջանի այս դիրքորոշումը պայմանավորված է Մինսկի գործընթացի հետ կապված (Մինսկի խումբ, Գործող նախագահի անձնական ներկայացուցիչ Անջեյ Կասպրշիկ, Բարձր մակարդակի պլանավորման խումբ) ԵԱՀԿ կառույցների ծրագրային գործունեության վերաբերյալ կոնսենսուսի բացակայությամբ։
Ասվում է, որ 2024 թվականի ընթացքում ԵԱՀԿ կառույցներում հետևել են քննարկումներին և ձեռնարկվել են համապատասխան միջոցներ՝ չեզոքացնելու կազմակերպության գործադիր կառույցների գործունեությունը Ադրբեջանի շահերին չհամապատասխանող հարցերի շուրջ։
Թարգմանությունը՝ Էմմա Չոբանյանի
