20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Ղրղզստանը և Տաջիկստանը ստորագրել են պետական սահմանի մասին համաձայնագիրը
Քաղաքականություն
13.03.2025 | 16:32
Ղրղզստանի և Տաջիկստանի նախագահները շուրջ 23 տարվա բանակցություններից հետո համաձայնագիր են ստորագրել վիճելի սահմանային տարածքների վերաբերյալ, որտեղ պարբերաբար զինված բախումներ էին տեղի ունենում, գրում է ՌԲԿ-ն։
Նշվում է, որ Ղրղզստանի և Տաջիկստանի նախագահներ Սադիր Ժապարովն ու Էմոմալի Ռահմոնը 984 կմ երկարությամբ պետական սահմանի մասին համաձայնագիր են ստորագրել։ Պետությունների ղեկավարների կայքերում հրապարակվել են մամուլի հաղորդագրություններ Բիշքեկում կայացած բանակցությունների արդյունքների վերաբերյալ։
Բիշքեկի և Դուշանբեի միջև սահմանի սահմանազատման և սահմանագծման շուրջ բանակցությունները շարունակվում են 2002 թվականի դեկտեմբերից:
Բացի այդ, կողմերը պայմանավորվել են վերսկսել օդային հաղորդակցությունը երկու երկրների միջև, որն ընդհատվել էր 2021 թվականին, Բիշքեկում հայտարարել է Սադիր Ջապարովը՝ Տաջիկստանի ղեկավար Էմոմալի Ռահմոնի հետ բանակցություններից հետո։
«Մենք պայմանավորվել ենք վերսկսել ավիափոխադրումները»,- ասել է նա՝ նշելով, որ առաջիկայում կվերականգնվի նաև կողմերի միջև ավտոբուսային հաղորդակցությունը։
Առաջին ավիաչվերթը տեղի կունենա մարտի 14-ին։
Թարգմանությունը՝ Էմմա Չոբանյանի
