02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Կարմիր բերետավորը խախտում է արել, բայց զղջացել է. Արփինե Սարգսյան. ՏԵՍԱՆՅՈՒԹ
Հասարակություն
13.03.2025 | 13:38
Factor TV-ն այսօր կառավարության նիստից հետո ՆԳ նախարար Արփինե Սարգսյանից հետաքրքրվեց՝ ինչո՞ւ քաղաքացուն անհեթեթ պահանջ ներկայացրած կարմիր բերետավորը ծառայողական քննությունից հետո պատասխանատվության չի ենթարկվել։
Հիշեցնենք՝ Factor TV-ն 2024 թվականի դեկտեմբերի 13-ին արձանագրել էր, որ ԳՈՒՄ-ի շուկայի մոտ մսավաճառների և ոստիկանության ծառայողների միջև տեղի ունեցած քաշքշուկից հետո կարմիր բերետավորներից մեկը, բերման ենթարկելով քաղաքացուն հրահանգել էր՝ «Աչքերդ չկլորցնե՛ս»։
«Ընդհանուր իրավախախտման դեպքում պետք է գնահատենք ընդհանուր իրավիճակը։ Ծառայողական քննության ժամանակ ֆիքսվել է, որ կա էթիկայի խախտում՝ տվյալ արտահայտության կիրառմամբ, բայց հաշվի առնելով, որ տվյալ աշխատակիցը կարգապահ է՝ հաշվի առնելով կենսագրությունը, անկեղծորեն խոստովանել և զղջացել է, օրենքը թույլ է տալիս այս անգամ չկիրառել տույժ»,-ասաց նախարարը։
Հարցին՝ արդյո՞ք այս մոտեցումը հիմք չի հանդիսանա, որ մյուս ծառայողներն առիթից օգտվեն և խախտումներ անեն՝ իմանալով, որ ներվելու են, նախարարը բացասական պատասխան տվեց։
