06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Ալիևը Բլինքենին մեղադրել է ԱՄՆ-Ադրբեջան հարաբերությունների վատթարացման համար
Քաղաքականություն
13.03.2025 | 20:13
ԱՄՆ նախկին պետքարտուղար Էնթոնի Բլինքենի քաղաքականությունը փաստացիորեն զրոյացրել է ԱՄՆ-Ադրբեջան հարաբերությունները: Այս մասին հայտարարել է Ադրբեջանի նախագահ Իլհամ Ալիևը Բաքվի XII գլոբալ ֆորումի բացման արարողությանն ունեցած ելույթում։
«Մենք այդ հարաբերությունները կառուցել ենք տասնամյակներ շարունակ: Մենք Միացյալ Նահանգների վստահելի և մտերիմ գործընկերն էինք, և նրանք մեզ հետ էին։ Եվ երբ նրանք մեր կարիքն ունեին, մենք նրանց կողքին էինք, երբ խոսքը Իրաքի և Աֆղանստանի մասին էր։ Ադրբեջանը ՆԱՏՕ-ի երկիր չէ, սակայն Աֆղանստանում գործողություններին միացել է 2020 թվականին։ Մեր զորախումբն էր, որ վերջինը լքեց այս երկիրը։ Սակայն մեր հեռանալուց հետո մեր նկատմամբ պատժամիջոցներ կիրառվեցին, և դա մեծ հիասթափություն առաջացրեց Ադրբեջանում»,- հայտարարել է Ալիևը։
Բացի այդ, նա ամերիկացի մի շարք քաղաքական գործիչների, այդ թվում՝ սենատորներ Ռոբերտ Մենենսեսին, Ֆրենկ Փալոնին, Ադամ Շիֆին, Նենսի Փելոսիին մեղադրել է, իբր, ԱՄՆ-ի հայկական սփյուռքի կառույցներից գումար վերցնելու մեջ՝ «Ադրբեջանի վրա հարձակվելու և Բաքվին վարկաբեկելու համար»։
Թարգմանությունը՝ Էմմա Չոբանյանի
