16.12.2025 | 15:06
Դատավորներին 40 հզր դոլար՝ բարենպաստ դատական ակտի համար․ փաստաբան Արմեն Օհանյանի գործն ուղարկվել է Հակակոռուպցիոն դատարան
Զելենսկին մեկնաբանել է Կուրսկի շրջանում իրավիճակը
Քաղաքականություն
12.03.2025 | 22:54
Ուկրաինական զորքերի Կուրսկի շրջանում կատարում են իրենց առջև դրված առաջադրանքները։ Իսկ ռազմական հրամանատարությունը համակարգում է դրանք՝ կենտրոնանալով անձնակազմի կյանքի պահպանման վրա։
Այս մասին ճեպազրույցում հայտարարել է Ուկրաինայի նախագահ Վլադիմիր Զելենսկին։
«Մեր զորքերը Կուրսկի շրջանում կատարում են իրենց առաջադրանքները, ռուսներն ակնհայտորեն փորձում են առավելագույն ճնշում գործադրել մեր զորքերի վրա»,- ասել է Զելենսկին։
Նա նշել է, որ ռազմական հրամանատարությունն անում է այն, ինչ պետք է անի՝ «փրկում է իրենց զինվորների կյանքը»։
Հավելենք, որ անցյալ շաբաթվանից տեղեկություններ են տարածվում Կուրսկի շրջանում ռուսական զորքերի առաջխաղացման մասին։ ՌԴ ՊՆ-ն էլ հայտնում է տարբեր բնակավայրերը վերահսկողության տակ վերցնելու մասին։
Այսօր ավելի վաղ էլ ռուսական կողմը հայտնել էր,որ ռուս զինվորները մտել են Կուրսկի Սուջա քաղաքի կենտրոն։
Ըստ տարբեր տեղեկությունների`ուկրաինական զորքերը դուրս են եկել Սուջայից։
Թարգմանությունը`Էմմա Չոբանյանի
