16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ուկրաինան նախկին մակարդակով ռազմական օգնություն է ստանում ԱՄՆ-ից․ Լեհաստանը հաստատել է
Քաղաքականություն
12.03.2025 | 18:00
ԱՄՆ-ից Լեհաստանով Ուկրաինա զենքի մատակարարումները վերսկսվել են նախկին մակարդակով։ Այս մասին հայտարարել է Լեհաստանի արտաքին գործերի նախարար Ռադոսլավ Սիկորսկին, գրում է DW-ի ռուսական ծառայությունը։
«Ես հաստատում եմ դա: Զենքի մատակարարումները Յասյոնկայով (Լեհաստանի և Ուկրաինայի սահմանին գտնվող Ռզեսով-Յասիոնկա օդանավակայան) վերադարձել են իրենց նախկին մակարդակին»,- ասել է նա Վարշավայում Ուկրաինայի արտգործնախարար Անդրեյ Սիբիհայի հետ մամուլի ասուլիսում:
ԱՄՆ Ազգային հետախուզության տնօրեն Թուլսի Գաբարդն իր հերթին է հաստատել, որ Վաշինգտոնը վերսկսել է Կիևի հետ հետախուզական տեղեկատվության փոխանակումը։
«ԱՄՆ նախագահի ղեկավարության շնորհիվ մենք մեկ քայլով մոտ ենք Ուկրաինայում արյունալի պատերազմի ավարտին: Նախագահի հրահանգով՝ Ուկրաինայի հետ հետախուզական տվյալների փոխանակման դադարն ավարտվել է»,- գրել է նա X սոցիալական ցանցում։
Ըստ ուկրաինական լրատվամիջոցների և OSINT-ի վերլուծաբանների՝ ամերիկյան Maxar Technologies ընկերությունը վերադարձրել է երկրին իր արբանյակային պատկերների հասանելիությունը։
Թարգմանությունը՝ Էմմա Չոբանյանի
