19.02.2026 | 21:34
ՀՀ նախագահը «Դելփիի տնտեսական ֆորումի» ուղեղային կենտրոնում ներկայացրել է Հայաստանի տնտեսական իրավիճակը
Մակրոնը Եվրոպայի և ՆԱՏՕ-ի ռազմական ղեկավարներին կոչ է արել Ուկրաինայի անվտանգության հուսալի երաշխիքների ծրագիր մշակել
Քաղաքականություն
12.03.2025 | 11:41
Ֆրանսիայի նախագահ Էմանուել Մակրոնը կոչ է արել Եվրոպայի և ՆԱՏՕ-ի երկրների ռազմական ղեկավարներին մշակել ծրագիր՝ «Ուկրաինայի համար «անվտանգության հուսալի երաշխիքներ սահմանման» հրադադարի դեպքում, գրում է Le Monde-ը։
Ավելի քան 30 դաշնակից երկրների բարձրաստիճան պաշտոնյաների մասնակցությամբ Փարիզի փակ հանդիպման ժամանակ նրա կոչը հնչել է այն ժամանակ, երբ Ուկրաինան հավանություն է տվել ամերիկյան առաջարկին մեկամսյա հրադադարի մասին և համաձայնել անհապաղ բանակցություններ վարել Ռուսաստանի հետ։ Փարիզյան հանդիպմանը մասնակցել են 34 երկրների ներկայացուցիչներ, որոնց մեծ մասը՝ Եվրոպայից և ՆԱՏՕ-ից, ինչպես նաև Բրիտանիայից, Թուրքիայից, Ավստրալիայից, Նոր Զելանդիայից և Ճապոնիայից: ՆԱՏՕ-ի առաջատար անդամ հանդիսացող ԱՄՆ-ից ներկայացուցիչ չի եղել։
«Սա այն պահն է, երբ Եվրոպան պետք է լիովին աջակցի Ուկրաինային և իրեն։ Հաշվի առնելով խաղաղության բանակցությունների արագացումը՝ անհրաժեշտ է սկսել «անվտանգության հուսալի երաշխիքներ սահմանելու» պլանավորումը՝ Ուկրաինայում կայուն խաղաղությունը իրականություն դարձնելու համար»,- ասել է Մակրոնը։
Նշվում է, որ եվրոպական և ՆԱՏՕ-ի երկրների, այդ թվում՝ Մեծ Բրիտանիայի և Թուրքիայի ռազմական շտաբների պետերը, համաձայնել են, որ անվտանգության երաշխիքները «չպետք է տարանջատվեն ՆԱՏՕ-ից և նրա հնարավորություններից»:
Նման երաշխիքները պետք է լինեն «արժանահավատ և երկարաժամկետ և պետք է ուղեկցվեն ուկրաինական բանակի անխափան աջակցությամբ»։
Թարգմանությունը՝ Էմմա Չոբանյանի
