25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Սերբիայի նախագահը վաղաժամ ընդհատել է այցն ԱՄՆ. նրան հոսպիտալացրել են
Քաղաքականություն
03.05.2025 | 18:37
Սերբիայի նախագահը հանկարծակի հիվանդացել Է ԱՄՆ-ում և չեղարկել Դոնալդ Թրամփի հետ հանդիպումը: Ալեքսանդր Վուչիչը ժամանել է Ֆլորիդա, որտեղ հանդիպել է Նյու Յորքի նախկին քաղաքապետ, հանրապետական Ռուդոլֆ Ջուլիանիի հետ: Սերբիայի նախագահը մի շարք այլ բանակցություններ է ծրագրել, այդ թվում՝ Թրամփի հետ, սակայն 55-ամյա քաղաքական գործչի ինքնազգացողությունը հանկարծակի վատացել է, Meduza.i0-ի փոխանցմամբ՝ հաղորդում է սերբական RTS հեռուստաալիքը:
Բժիշկների հետ խորհրդակցելուց հետո Վուչիչն ընդհատել է այցը և վերադարձել Բելգրադ, որտեղ հոսպիտալացվել է: Ավելի վաղ Վուչիչը հայտարարել էր, որ մտադիր է մայիսի 9-ին այցելել Մոսկվայի զորահանդես՝ չնայած Բրյուսելից և Կիևից այդ ծրագրերի քննադատությանը:
Մեկ այլ եվրոպական առաջնորդ, որը հայտարարել է մայիսի 9-ին Մոսկվա այցելելու պլանների մասին, նույնպես կտրուկ փոխել է աշխատանքային գրաֆիկը: Սլովակիայի վարչապետ Ռոբերտ Ֆիցոն վերջին օրերին չեղարկել է մասնակցությունը մի քանի միջոցառումների, հաղորդում է Սլովակիայի Tvnoviny հեռուստաալիքը՝ նշելով, որ դա կարող է կապված լինել նաև քաղաքական գործչի առողջական խնդիրների հետ: Ֆիցոյի նկատմամբ մեկ տարի առաջ մահափորձ էր կատարվել։
