21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Ավինյանը խայտառակ շինարարությամբ Տարոն Մարգարյանին էլ տասով զրո արեց, Զախարյանին էլ․ Ստեփանյան. ՏԵՍԱՆՅՈՒԹ
Հաղորդաշարեր
03.05.2025 | 19:00
«Այն, որ պլանավորվում է Կասկադի աջ կողմում բնակելի շենքեր կառուցել, հերթական խայտառակությունն է, այդտեղ կանաչ գոտի պետք է լիներ։ Կասկադ համալիրի գլխավոր ուղերձը հյուսիս-հարավ առանցքն է՝ Արարատին նայող․ այդ տեսարանի կորուստ ենք ունենալու։ Կասկադը կդառնա «հոշոտողների» հերթական թիրախը։ Երևանի քաղաքապետարանի դարդ ու ցավն այն է, որ այդ հատվածում բարձրահարկերի կառուցման թույլտվություն տա»,- Factor TV-ի հետ զրույցում նշում է ճարտարապետ Դավիթ Ստեփանյանը՝ անդրադառնալով Կասկադ համալիրի վերակառուցման ծրագրին։
Նրա խոսքով՝ 2020-ից հետո մայրաքաղաքում կառուցապատումների թույլտվությունների քանակն աննախադեպ աճել է․ «Տիգրան Ավինյանը Մարգարյանին էլ տասով զրո արեց, Զախարյանին էլ, նպատակը մեկն է՝բարձրահարկերով լցնեն Երևանը։ Սա խայտառակ, անկանոն շինարարություն է։ Ինչ վերաբերում է երկնաքերեր կառուցելու ծրագրերին, դա էլ փող խժռելու ցանկություն է, բռի, վայրի մի շինարարություն, իսկ ճարտարապետները խամաճիկներ են, սպասարկվում է միայն պատվիրատուների կոմերցիոն շահը»։
Ճարտարապետը խոսում է նաև մայրաքաղաքի այգիների, օրինակ՝ Բուսաբանական, Օղակաձև այգիների մասին․ «Բուսաբանական այգում ավտոկայանատեղիներ են սարքել, ասֆալտ են փռել, հին ծառերը հատեցին․․․Մենք ծառ չենք սիրում, փող ենք շատ սիրում, ճարտարապետությունն էլ «կաֆելմետլախային» ճաշակով ենք դիտարկում։ Իսկ Օղակաձև զբոսայգին աղբանոցի է վերածվել շինարարության պատճառով։ Ոնց պատահի՝ անկանոն կառույցներ են լցրել, այգին վերածվել է լաբիրինթոսի։ Այս քաղաքը ոչ թե ժողովրդի, այլ օլիգարխների համար է, ամեն որոշում կայացվում է՝պաշտոնյաների կամ պատվիրատուների շահերից ելնելով»։
Մանրամասները՝ տեսանյութում։
Աննա Բաբաջանյան
