16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Պակիստանում զինյալները գնացքի ավելի քան 450 ուղևորի են պատանդառել
Քաղաքականություն
11.03.2025 | 16:53
Պակիստանի հարավ-արևմուտքում գտնվող Բելուջիստան նահանգում զինյալները կրակ են բացել հարյուրավոր ուղևորների փոխադրող մարդատար գնացքի վրա, գրում է Current time-ը։
Գնացքը հյուսիսային Քվետա քաղաքից ուղևորվում էր Փեշավար և տեղափոխում էր ավելի քան 400 ուղևորի։ Զինյալներն այն կանգնեցրել են Բոլանի ամայի տարածքում, գնացքի պահակները պատասխան կրակ են բացել։ Հարձակման պատասխանատվությունը ստանձնել է Բելուջիստանի ազատագրական բանակը, որը տարածաշրջանի ամենամեծ անջատողական խմբավորումներից մեկն է: ԱՄՆ-ն այն ներառել է ահաբեկչական կազմակերպությունների ցուցակում։
Խմբավորման ներկայացուցիչները հայտնել են, որ պատանդ են վերցրել գնացքի ուղևորներին: Քվետայում երկաթուղու ներկայացուցիչը AFP-ին հայտնել է, որ ավելի քան 450 մարդ պատանդ է պահվում գրոհայինների կողմից:
Պակիստանի ոստիկանությունը հայտնել է, որ իրենց տվյալներով, հարձակման հետևանքով վիրավորվել է երեք մարդ, այդ թվում՝ գնացքի վարորդը: Դեպքի վայր են ուղարկվել անվտանգության ուժեր։
Թարգմանությունը՝ Էմմա Չոբանյանի
