19.02.2026 | 21:34
ՀՀ նախագահը «Դելփիի տնտեսական ֆորումի» ուղեղային կենտրոնում ներկայացրել է Հայաստանի տնտեսական իրավիճակը
Կիևը ձգտում է խաղաղության և պատրաստ է բանակցել պատերազմի ավարտի համար․ Երմակը՝ ԱՄՆ-ի հետ բանակցություններում
Քաղաքականություն
11.03.2025 | 15:40
Սաուդյան Արաբիայում մեկնարկած ԱՄՆ-ի և Ուկրաինայի պատվիրակությունների բանակցությունների ժամանակ Զելենսկիի գրասենյակի ղեկավար Անդրեյ Երմակը հայտարարել է, որ Կիևը ձգտում է խաղաղության և պատրաստ է բանակցել պատերազմի ավարտի համար, փոխանցում է ՌԲԿ Ուկրաինան։
«Մենք կարծում ենք, որ պետք է քննարկենք ամենակարևորը՝ ինչպես սկսել այս գործընթացը: Եվ մենք շատ բաց ենք, շատ բաց: Եվ մենք ցանկանում ենք շատ կառուցողական, խորը, բարեկամական, գործընկերային զրույց ունենալ մեր ամերիկացի գործընկերների հետ»,- Ջիդդայում հանդիպումից առաջ լրագրողներին ասել է Երմակը։
Նա նշել է, որ Ուկրաինայի համար ԱՄՆ-ի անվտանգության երաշխիքները «շատ կարևոր» են՝ թույլ չտալու համար Ռուսաստանին կրկին հարձակվել գործարքից հետո, բայց հավելել է, որ հանդիպման առաջնահերթությունը Մոսկվայի հետ բանակցային խաղաղության հասնելու գործընթաց սկսելն է։ Նա չի նշել, թե Ուկրաինան ինչ զիջումների է պատրաստ գնալ խաղաղ համաձայնագրի հասնելու համար։
Թարգմանությունը՝ Էմմա Չոբանյանի
