05.05.2025 | 18:41
Նպատակը Լոռու և Սյունիքի մարզերում 5000 հա անտառ տնկելն ու մշակելն է․ կայացել է ծրագրի ղեկավար խորհրդի նիստը
ԵՄ-ն դատապարտել է Սիրիայում անվտանգության ուժերի վրա հшրձшկnւմները
Քաղաքականություն
09.03.2025 | 16:35
Եվրամիությունը դատապարտել է Սիրիայի անցումային կառավարության անվտանգության ուժերի վրա հարձակումները, ինչպես նաև կոչ է արել պաշտպանել Սիրիայի քաղաքացիական բնակչությանը: Այս մասին ասվում է եվրոպական արտաքին քաղաքական ծառայության հաղորդագրության մեջ:
«ԵՄ-ն վճռականորեն դատապարտում է վերջերս տեղի ունեցած հարձակումները, որոնք ենթադրաբար կատարվել են Սիրիայի ափամերձ շրջաններում Ասադին աջակցող տարրերի կողմից՝ ժամանակավոր կառավարության ուժերի վրա, ինչպես նաև քաղաքացիական անձանց դեմ կատարված ցանկացած բռնություն: Քաղաքացիական անձինք պետք է պաշտպանված լինեն ցանկացած հանգամանքում՝ համաձայն միջազգային հումանիտար իրավունքի»,- նշվում է հաղորդագրության մեջ:
ԵՄ-ն նաև կոչ է արել արտաքին ուժերին պահպանել Սիրիայի ինքնիշխանությունն ու տարածքային ամբողջականությունը:
