24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Ֆրանսիական Mirage-ներն առաջին անգամ մասնակցել են Ուկրաինայի վրա ռուսական հարձակումը հետ մղելուն
Քաղաքականություն
07.03.2025 | 15:08
Ֆրանսիական Mirage-2000 կործանիչներն առաջին անգամ Ուկրաինայում մասնակցել են Ռուսաստանի կողմից զանգվածային հարձակումը հետ մղելուն։ Այս մասին գրում է ՌԲԿ Ուկրաինան՝ վկայակոչելով Ուկրաինայի ԶՈՒ ռազմաօդային ուժերի հաղորդագրությունը։
Զինվորականները նշել են, որ հակառակորդի օդային հարձակումը հետ է մղվել զենիթահրթիռային ստորաբաժանումների, ռադիոէլեկտրոնային պատերազմի համակարգերի և Ուկրաինայի ռազմաօդային պաշտպանության ուժերի շարժական կրակային խմբերի միջոցով։ Ներգրավվել են նաև կործանիչներ, մասնավորապես, F-16 և Mirage-2000։
«Հարկ է նշել, որ ֆրանսիական կործանիչները, որոնք Ուկրաինա են ժամանել ընդամենը մեկ ամիս առաջ, առաջին անգամ մասնակցել են հակառակորդի օդային հարձակումը հետ մղելուն»,- ասվում է հաղորդագրության մեջ։
2025 թվականի փետրվարի 6-ին Ֆրանսիայի ՊՆ-ն հայտարարել էր առաջին Mirage-2000 կործանիչներն Ուկրաինա տեղափոխելու մասին։
Ըստ ուկրաինական կողմի՝ ռուսական ուժերը գիշերը Ուկրաինայի ուղղությամբ արձակել են տարբեր տեսակի 67 հրթիռ (X-101/X-55 սմ թևավոր հրթիռներ, Կալիբր հրթիռներ, բալիստիկ հրթիռներ, С-300 զենիթային հրթիռներ և X-59/69 կառավարվող ինքնաթիռներ), ինչպես նաև 194 անօդաչու թռչող սարք։ Հաղորդվում է, որ ՀՕՊ ուժերը ոչնչացրել են 100 անօդաչու թռչող սարք և 34 հրթիռ։
Թարգմանությունը՝ Էմմա Չոբանյանի
