19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ուկրաինայի նախագահը ժամանել է Բրյուսել` ԵՄ գագաթնաժողովին
Քաղաքականություն
06.03.2025 | 17:38
Ուկրաինայի նախագահ Վլադիմիր Զելենսկին ժամանել է Բրյուսել՝ ԵՄ արտահերթ գագաթնաժողովին։ Նրան դիմավորել են Եվրոպական խորհրդի նախագահ Անտոնիո Կոշտան և Եվրահանձնաժողովի նախագահ Ուրսուլա ֆոն դեր Լեյենը։ Կոշտան ԵՄ արտահերթ գագաթնաժողովն անվանել է «շատ կարևոր պահ» եվրոպական անվտանգության ամրապնդման համար, փոխանցում է BBC-ի ռուսական ծառայությունը։
«Սա շրջադարձային է Եվրոպայի համար, և Ուկրաինան այս ընտանիքի մի մասն է»,- իր հերթին ասել է ֆոն դեր Լեյենը:
Նրա խոսքով՝ Եվրոպան պետք է Ուկրաինային դնի այնպիսի վիճակում, որ կարողանա պաշտպանել իրեն և հասնել կայուն ու արդար խաղաղության։
Զելենսկին շնորհակալություն է հայտնել եվրոպացի առաջնորդներին մշտական աջակցության համար՝ ասելով, որ դա նշանակում է, որ Ուկրաինան «մենակ չէ ռուսական ագրեսիան հետ մղելու իր պայքարում»։
«Այս ամբողջ ընթացքում, մասնավորապես, անցած շաբաթ, դուք մնացել եք մեզ հետ։ Շատ շնորհակալ ենք, որ մենակ չենք։ Եվ սրանք պարզապես խոսքեր չեն։ Շատ կարևոր է, որ դուք ազդանշան ուղարկեք ուկրաինացի ժողովրդին»,- ասել է Զելենսկին՝ հավելելով, որ ուկրաինացիները գնահատում են դա։
Թարգմանությունը՝ Էմմա Չոբանյանի
