09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ֆրանսիան Ուկրաինային հետախուզական տվյալներ է առաջարկում՝ ԱՄՆ-ի կողմից դրանց փոխանցման դադարեցման ֆոնին
Քաղաքականություն
06.03.2025 | 13:47
Ֆրանսիան Ուկրաինային հետախուզական տեղեկատվություն է առաջարկում։ Այս մասին հայտարարել է Ֆրանսիայի պաշտպանության նախարար Սեբաստիան Լըկորնյուն՝ մեկ օր անց այն բանից հետո, երբ Վաշինգտոնը հայտարարել է, որ դադարեցնում է հետախուզական տվյալների փոխանակումը Կիևի հետ՝ փորձելով ուժեղացնել ճնշումը Ուկրաինայի նախագահ Վլադիմիր Զելենսկիի վրա, գրում է Reuters-ը։
«Մենք ունենք հետախուզական ռեսուրսներ, որոնք օգտագործում ենք ուկրաինացիներին օգնելու համար: Այն դադարեցվել է երեկ կեսօրից: Կարծում եմ՝ մեր բրիտանացի ընկերների համար, որոնք գտնվում են ԱՄՆ հետախուզական համայնքում, դա ավելի բարդ է»,- ասել է Լըկորնյուն France Inter ռադիոկայանին:
Ըստ նրա՝ Ֆրանսիայի միջուկային զենքի պաշարները, որոնք ստեղծվել են Սառը պատերազմի սկզբին և նախատեսված են եղել անկախ լինելու այն ժամանակվա գերիշխող տերություններից՝ ԱՄՆ-ից և Ռուսաստանից, բավարար են:
Նախօրեին էլ Ֆրանսիայի նախագահ Էմանուել Մակրոնը հայտարարել էր, որ Փարիզը բաց է՝ քննարկելու իր միջուկային զինանոցի կողմից առաջարկվող պաշտպանությունը իր եվրոպացի գործընկերներին Ռուսաստանի կողմից Եվրոպայի նկատմամբ սպառնալիքի ֆոնին։
Թարգմանությունը՝ Էմմա Չոբանյանի
