18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Զելենսկին հայտարարել է, որ պատրաստ է աշխատել նախագահ Թրամփի ուժեղ առաջնորդության ներքո՝ հասնելու կայուն խաղաղության
Քաղաքականություն
04.03.2025 | 20:39
Ուկրաինայի նախագահ Վլադիմիր Զելենսկին հայտարարել է, որ Ուկրաինան ձգտում է խաղաղության, և ինքը պատրաստ է աշխատել այդ ուղղությամբ «նախագահ Թրամփի ուժեղ առաջնորդության ներքո»։
«Մեզանից ոչ ոք չի ցանկանում անվերջ պատերազմ։ Ուկրաինան պատրաստ է որքան հնարավոր է շուտ նստել բանակցությունների սեղանի շուրջ՝ ապահով խաղաղությունը մոտեցնելու համար։ Ոչ ոք չի ցանկանում խաղաղություն այնքան, որքան ուկրաինացիները։ Ես և իմ թիմը պատրաստ ենք աշխատել նախագահ Թրամփի ուժեղ առաջնորդության ներքո՝ կայուն խաղաղության հասնելու համար։ Մենք պատրաստ ենք արագ գործել՝ պատերազմը ավարտելու համար…»,— գրել է Ուկրաինայի նախագահը X-ում։
«Մենք պատրաստ ենք արագ գործել՝ պատերազմը վերջ տալու համար, և առաջին քայլերը կարող են լինել գերիների ազատումը, անհապաղ հրադադար երկնքում՝ հրթիռների, հեռահար անօդաչու թռչող սարքերի, էներգետիկ և այլ քաղաքացիական ենթակառուցվածքների ռմբակոծությունների արգելքը, ինչպես նաև անհապաղ հրադադար ծովում, եթե Ռուսաստանն էլ նույնն անի։ Այնուհետև մենք ցանկանում ենք շատ արագ անցնել հաջորդ բոլոր փուլերը և ԱՄՆ-ի հետ միասին համաձայնության գալ ուժեղ վերջնական պայմանագրի շուրջ», — շարունակում է Զելենսկին իր գրառման մեջ։
«Մեր հանդիպումը Վաշինգտոնում, Սպիտակ տանը, ուրբաթ օրը տեղի չունեցավ այնպես, ինչպես սպասվում էր։ Ցավալի է, որ դա այդպես եղավ։ Ժամանակն է ամեն ինչ ճիշտ անել։ Մենք կցանկանայինք, որ հետագա համագործակցությունն ու հաղորդակցությունը լինեին կառուցողական»,— գրել է Ուկրաինայի նախագահը։
«Ինչ վերաբերում է հանքանյութերի և անվտանգության մասին համաձայնագրին, ապա Ուկրաինան պատրաստ է այն ստորագրել ցանկացած պահին և ցանկացած հարմար ձևաչափով։ Մենք այս համաձայնագիրը համարում ենք անվտանգության ամրապնդման և վստահելի անվտանգության երաշխիքների ձեռքբերման քայլ, և անկեղծորեն հույս ունենք, որ այն արդյունավետ կգործի»,— գրել է Զելենսկին։
