03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Սերժ Սարգսյանին պետական խորհրդանիշ չի համարում անգամ նախագահականի կայքը. «ՀԺ»
Հասարակություն
14.07.2017 | 10:27
«Հայկական ժամանակ» թերթը գրում է. «ՀՀ կրթության և գիտության նախարարությունը չի պատրաստվում հանրակրթական ուսումնական հաստատությունների ղեկավարներից պահանջել պետական խորհրդանիշների անկյունից, որոնք ստեղծվել են բոլոր դպրոցներում, հեռացնել Սերժ Սարգսյանի լուսանկարը:
Այս մասին պարզ դարձավ երեկ` լրագրողների և նախարար Լևոն Մկրտչյանի հարցուպատասխանի ժամանակ:
«Այդ նկարը միշտ փակցվել է, անկախ նրանից` ով է Հայաստանի Հանրապետության նախագահը: Դպրոցներում փակցնում են Հայաստանի Հանրապետության խորհրդանիշերը: Հայաստանի Հանրապետության նախագահը խորհրդանիշների համակարգում է»,- ասաց Լևոն Մկրտչյանը` հաստատելով, որ վերանայումներ այդ առումով չեն լինի:
Մեզ, սակայն չհաջողվեց գտնել որևէ աղբյուր, որտեղ երկրի նախագահը համարվի պետության խորհրդանիշ: Էլեկտրոնային հանրագիտարանում, Վիքիպեդիայում պետական խորհրդանիշները երեքն են` դրոշը, զինանշանը և օրհներգը: Նախագահներին ու տվյալ դեպքում՝ Սերժ Սարգսյանին պետական խորհրդանիշ չի համարում անգամ նախագահականի կայքը: Այնտեղ ևս պետական խորհրդանշաններ բաժնում տեղ են գտել միայն դրոշը, զինանշանը և օրհներգը:
«Հայաստանի Հանրապետության նախագահի մասին» ՀՀ օրենքում նույնպես խոսք չկա այդ անձի պետական խորհրդանիշ լինելու մասին:
Առավել մանրամասն՝ թերթի այսօրվա համարում:
