24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Գերիների իրավունքների հետ կապված անհանգստություն ունենք, փորձում ենք աշխատանք կատարել․ Կիրակոսյան․ ՏԵՍԱՆՅՈՒԹ
Հասարակություն
04.03.2025 | 16:51
Ադրբեջանում պահվող գերիների իրավունքների հետ կապված անհանգստություն ունենք, փորձում ենք աշխատանք կատարել, այս մասին ԱԺ-ում ասաց Միջազգային իրավական հարցերով Հայաստանի ներկայացուցիչ Եղիշե Կիրակոսյանը՝ պատասխանելով պատգամավոր Թագուհի Թովմասյանի հարցին, թե ինչ են անում պատկան մարմինները, երբ, ըստ ՀԿ-ների, Ռուբեն Վարդանյանի գլխին երկաթ են ամրացրել, Բակո Սահակյանի ատամներն են ջարդել։
Կիրակոսյանը տեղեկացրեց, որ մամուլում հայտնված գերիների նկարները ներկայացնում ենք Եվրոպական դատարանի ուշադրությանը` պահանջելով, որ դատարանը պարտավորեցնի լրացուցիչ տեղեկատվություն տալ նրանց մասին։
«Ժամանակին մենք միջպետական գանգատ ներկայացրել ենք, որը ներառում է նաև գերիների կտորը։ Բայց նաև 2-րդ գանգատն ունենք ներկայացրած, որի գրավոր փուլն ավարտվել է նախորդ տարվա վերջին։ Ունենք կիրառած միջանկյալ միջոցներ Ադրբեջանի նկատմամբ և պարբերաբար ստանում ենք տեղեկություններ պահվող անձանց առողջական վիճակի և նրանց պահման պայմանների մասին»,- մանրամասնեց միջազգային իրավական հարցերով Հայաստանի ներկայացուցիչը։
Մանրամասները՝ տեսանյութում։
