30.04.2026 | 12:10
Ադրբեջանով հացահատիկ է գալիս ՀՀ // «Խաղաղության խորհրդի» կանոնադրությունը հաստատվեց․ ԼՈՒՐԵՐ
Ծեծկռտուք Սերբիայի խորհրդարանում․ ընդդիմությունը ծխային ճայթուկներ ու արցունքաբեր գազ է կիրառել
Քաղաքականություն
04.03.2025 | 17:28
Սերբիայի խորհրդարանում ընդդիմադիր պատգամավորները ծխային ճայթուկներ և արցունքաբեր գազ են կիրառել նիստերի դահլիճում՝ ի նշան կառավարության քաղաքականության դեմ բողոքի և հաջակցություն ցուցարար ուսանողներին։ Չորս ամիս առաջ երկաթուղային կայարանի տանիքի փլուզման և 15 մարդու կյանք խլած միջադեպից հետո ցույցերը վերածվել են Սերբիայի կառավարության համար ամենամեծ սպառնալիքի, գրում է Reuters-ը։
Երբ Սերբիայի առաջադիմական կուսակցության (SNS) գլխավորած իշխող կոալիցիան հաստատել է խորհրդարանի նիստի օրակարգը, որոշ ընդդիմադիր քաղաքական գործիչներ վազել են խորհրդարանի խոսնակի ուղղությամբ և կռվի բռնվել անվտանգության աշխատակիցների հետ։ Ոմանք էլ ծխային ճայթուկներ և արցունքաբեր գազ են կիրառել։
Խորհրդարանի խոսնակ Անա Բռնաբիչը հայտնել է, որ երկու օրենսդիր է վիրավորվել, որոնցից մեկը՝ SNS կուսակցությունից Յասմինա Օբրադովիչը, կաթված է ստացել և գտնվում է ծայրահեղ ծանր վիճակում:
Թարգմանությունը՝ Էմմա Չոբանյանի
