19.12.2025 | 22:50
Իսրայելում ՌԴ քաղաքացի է ձերբակալվել Իրանի օգտին լրտեսության մեղադրանքով
Կրեմլը հերքում է ռուս-թուրքական հարաբերությունների սառեցման մասին լուրերը
Քաղաքականություն
03.03.2025 | 17:05
Կրեմլում հերքել են ռուս-թուրքական հարաբերությունների սառեցման մասին լուրերը, միաժամանակ, չբացառելով երկու երկրների միջև ամենաբարձր մակարդակով շփումները, գրում է Ինտերֆաքսը:
«Ընթանում է երկխոսություն՝ ինչպես աշխատանքային, այնպես էլ փորձագիտական մակարդակով: Այդ երկխոսությունը չի դադարել և չի դադարի: Անհրաժեշտության դեպքում՝ շփումներ կլինեն ամենաբարձր մակարդակով»,- ճեպազրույցում ասել է ՌԴ նախագահի մամուլի քարտուղար Դմիտրի Պեսկովը։
Հարցին՝ արդյո՞ք կարելի է խոսել երկկողմ հարաբերությունների սառեցման մասին, նա պատասխանել է․ «Չեմ կարող համաձայնել ձեզ հետ, Մոսկվայի և Անկարայի հարաբերությունները շատ բազմակողմանի են, դրանք շարունակում են զարգանալ, ինտենսիվ երկխոսություն է ընթանում»։
Անդրադառնալով երկու երկրների ղեկավարներ Վլադիմիր Պուտինի և Ռեջեփ Թայիփ Էրդողանի շփումների հեռանկարներին՝ Պեսկովը նշել է. «Մեր հարաբերություններն այնքան սերտ են և աշխատանքային, որ բոլոր շփումները կարող են համակարգվել հաշված ժամերի ընթացքում»։
Խոսելով այլ մակարդակներում բանակցությունների մասին՝ Կրեմլի ներկայացուցիչը նշել է, որ անցած շաբաթ եղել են շփումներ Ռուսաստանի և Թուրքիայի արտգործնախարարների մակարդակով, իսկ Դաշնային խորհրդի նախագահ Վալենտինա Մատվիենկոն այցելել է Թուրքիա։
«Հետևաբար, կարիք չկա խոսել բարձր մակարդակով շփումների բացակայության մասին»,- հավելել է Պեսկովը։
Թարգմանությունը՝ Էմմա Չոբանյանի
