13.12.2025 | 22:20
Ֆրանսիան հաղթեց «Մանկական Եվրատեսիլ»-ում
ՀՀ-ի ժողովրդավարության համաթիվը երկրորդ տարին անընդմեջ անկում է ապրում․ EIU-ի զեկույցը
Քաղաքականություն
03.03.2025 | 13:30
Economist Intelligence Unit-ը (EIU) հրապարակել է 2024 թվականի Ժողովրդավարության ինդեքսը, որը լույս է սփռում 2024 թվականին աշխարհում ժողովրդավարության միտումների վրա:
Հայաստանը ներառված է հիբրիդային ռեժիմների խմբում՝ 10 առավելագույն միավորից 5,35 միավորով, որով 167 երկրների շարքում զբաղեցնում է 82 հորիզոնականը։ Ընտրական գործընթաց ու բազմակարծություն բաժնում Հայաստանը վաստակել 7,92 միավոր, կառավարության գործունեություն բաժնում՝ ՝4,29, քաղաքական մասնակցությունում՝ 6,11, քաղաքական մշակույթում՝3,13, քաղաքացիական ազատություններում ՝5,29։
Այսպիսով, երկու տարի անընդմեջ Հայաստանը հետընթաց է գրանցում։ Մասնավորապես, 2022 թվականին աշխարհում, ըստ Economist Intelligence Unit-ի, մեր երկիրը կրկին զբաղեցրել էր 82-րդ հորիզոնականը, սակայն հավաքել ավելի շատ՝ 5,63 միավոր, 2023 թվականին այդ ցուցանիշը կազմել է 5,42։ Ստացվում է, որ վերջին տարիներին Հայաստանի ժողովրդավարության համաթիվը անկում է ապրում։
Միաժամանակ, Հայաստանը տարածաշրջանում մնում է առաջատարը։ Վրաստանը 4.70 միավորով 94-րդն է, Ադրբեջանը՝ 2,80 միավորով 126-րդը, Թուրքիան՝ 4,26 միավորով 103-րդը, իսկ Իրանը 1.96 միավորով 154-րդ հորիզոնակում է։
Հետխորհրդային երկրներից Հայաստանը զիջում է Մոլդովային՝ 6,04 միավոր (71-րդ հորիզոնական), որը չի դասվում հիբրիդային կամ ավտորիտար ռեժիմների խմբին (բացառությամբ Բալթյան երկրների), այլ զբաղեցնում է վերջին հորիզոնականը թերի ժողովրդավարությունների խմբում։
Թարգմանությունը՝ Էմմա Չոբանյանի
