01.04.2025 | 23:14
Ապրիլ ամսվա եղանակի կանխատեսումը և կլիմայական բնութագիրը
Ինձ մոտ էլ են հարցեր առաջացել. փոշեկուլ մեքենաները ավելի շատ փոշի են բարձրացնում, քան կլանում. Ավինյան․ ՏԵՍԱՆՅՈՒԹ
Տնտեսություն
03.03.2025 | 10:21
«Մեր փոշեկուլ մեքենաներն էս եղանակային պայմաններում ոնց որ էդքան էլ էֆեկտիվ չեն, քանի որ ջուր չեք կարողանում թողնել, փոշին բարձրանում է։ Մաշտոցի պողոտայով իջնում էի, տեսա, որ ավելի շատ փոշի է բարձրացնում այդ մեքենան, քան կլանում»,- այս մասին Երևանի քաղաքապետարանի գործակարգավարական նիստին ասաց Տիգրան Ավինյանը՝ դիմելով ԵԱՍՄ հիմնարկի տնօրեն Սաշա Կատվալյանին։
«Պարո՛ն քաղաքապետ, քանի որ օդի ջերմաստիճանը 0-ից ցածր է, մենք ջրի սիստեմը չենք կարողանում օգտագործել, քանի որ մեքենան կունենա տեխնիկական խնդիրներ»,- քաղաքապետին պատասխանեց Սաշա Կատվալյանը։
Ավինյանն էլ հավելեց, որ այդ փոքր փոշեկուլ մեքենաներն առանց ջրի օգտագործելը նպատակահարմար չէ։
Կատվալյանն էլ հավելեց, որ այս ամիս կունենան նոր բազմաֆունկցիոնալ մեքենաներ, նաև փոշեկուլ ու աղցան մեքենաներ։
Նշենք, որ փոշեկուլ մեքենաների՝ ոչ արդյունավետ աշխատանքի մասին փաստող տեսանյութ էր տարածել Երևանի ավագանու Ազգային առաջընթաց խմբակցության անդամ Քրիստինե Վարդանյանը։
Մանրամասները՝ տեսանյութում։
Արփի Հակոբյան
