15.12.2025 | 11:13
Սիդնեյում զինված հարձակումից հետո Ավստրալիայի վարչապետը մտադիր է խստացնել զենքի մասին օրենսդրությունը
Թրամփը սպասում է Զելենսկու հրապարակային ներողությանը․ Bloomberg
Քաղաքականություն
02.03.2025 | 14:24
ԱՄՆ նախագահ Դոնալդ Թրամփը սպասում է Ուկրաինայի նախագահ Վլադիմիր Զելենսկու հրապարակային ներողությանը՝ երկու երկրների միջև լարված հարաբերությունները կարգավորելու համար, հայտնում է Bloomberg-ը՝ հղում անելով եվրոպական աղբյուրին։
Նշվում է, որ Լոնդոնը փորձել է դիվանագիտական ջանքերով համոզել Վաշինգտոնին վերադառնալ բանակցությունների սեղան, սակայն մերժվել է։
Փետրվարի 28-ին Վաշինգտոնում Զելենսկու և Թրամփի միջև տեղի ունեցած վեճի հետևանքով տապալվել է կարևոր գործարք, որը վերաբերում էր Ուկրաինայի օգտակար հանածոների համատեղ շահագործմանը։ Ըստ աղբյուրների՝ ԱՄՆ-ի վարչակազմը այժմ քննարկում է Ուկրաինային տրվող պաշտպանական աջակցությունն ամբողջությամբ դադարեցնելու հարցը։
Մարտի 1-ին Լոնդոնում հանդիպում է կայացել Մեծ Բրիտանիայի վարչապետ Քիր Սթարմերի և Զելենսկու միջև։ Սթարմերը վստահեցրել է, որ Միացյալ Թագավորությունը կշարունակի աջակցել Ուկրաինային այնքան, որքան անհրաժեշտ կլինի։ Երկու երկրները ստորագրել են ավելի քան 2,7 միլիարդ եվրոյի վարկային համաձայնագիր։
Մարտի 2-ին Լոնդոնում Սթարմերը կհյուրընկալի ավելի քան տասը երկրներիի առաջնորդների՝ քննարկելու Ուկրաինայի ու Եվրոպայի պաշտպանունակության ամրապնդման ուղիները, եթե Թրամփը համաձայնության գա Ռուսաստանի նախագահ Վլադիմիր Պուտինի հետ և հրաժարվի Կիևին աջակցելուց։
