08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պետքարտուղարությունը մտադիր է մասամբ ապասառեցնել Ուկրաինային օգնությունը․ Politico
Քաղաքականություն
26.02.2025 | 14:30
ԱՄՆ Պետքարտուղարությունը կարող է մասամբ ապասառեցնել Ուկրաինային տրամադրվող օտարերկրյա օգնությունը, գերատեսչությունները բացառությունների ծրագիր մշակում։ Այս մասին գրում է Politico-ն՝ հղում անելով նախագծին ծանոթ աղբյուրներին։
Ցանկում կարող են ներառվել միջոցառումներ՝ ուղղված երկրի տնտեսությանն ու անվտանգությանը: Բացառությունները կտարածվեն նաև այն հաշիվների վրա, որոնցից ֆինանսավորում են «Ուկրաինայի ժողովրդավարական ինստիտուտները և քաղաքացիական հասարակությանը»։
Politico-ի զրուցակիցների խոսքով՝ այս բացառությունների հաստատման դեպքում դրանք դուրս կգան այլ երկրներին հետագա օգնություն ցուցաբերելու թույլտվությունների շրջանակից։ Դրանք վերաբերում էին, մասնավորապես, Ուկրաինայի տարածքի ականազերծմանն ու թմրանյութերի տարածմանը։ Միաժամանակ, անհասկանալի է՝ արդյո՞ք ֆինանսավորման բացառություններ կարվեն այն մասի վերաբերյալ, որը վերաբերում է Ուկրաինային զենքի մատակարարմանը։
Հունվարի վերջին պետքարտուղար Մարկո Ռուբիոն հրաման է ստորագրել, որով դադարեցնում է ԱՄՆ օգնությունն արտասահմանյան երկրներին ուղղված գրեթե բոլոր ծրագրերին: Հրամանը տարածվել է նաև Ուկրաինայի վրա։ Բացառություններ են նախատեսված միայն Իսրայելի և Եգիպտոսի համար։
Թարգմանությունը՝ Տաթև Ֆռանգյանի
