03.08.2026 | 17:43
Պաշտպանության հանձնաժողովում չեմ լինելու. Անդրանիկ Քոչարյան
Ասել է` «ա´յ նիկոլական վիժվածք, մարդամե՞ջ ես դուրս գալիս». հանրային մեղադրող. ՏԵՍԱՆՅՈՒԹ
Հասարակություն
25.02.2025 | 16:21
Երևան քաղաքի առաջին ատյանի ընդհանուր իրավասության քրեական դատարանի Աջափնյակ նստավայրում այսօր շարունակվում էին ավտոբուսում պատգամավոր Հակոբ Ասլանյանի և քաղաքացի Սամվել Վարդանյանի միջև տեղի ունեցած միջադեպի գործով հիմնական դատալսումները։ Եզրափակիչ ելույթում հանրային մեղադրող Հայկ Ավետյանը նշեց․
«Սամվել Վարդանյանը մոտենում է, ոչ այս կողմ, ոչ այն կողմ, ասում է՝ դուք մարդամեջ եք դո՞ւրս գալիս, ա՛յ հակահայ դավաճան, վիժվածք, նիկոլական վիժվածք և այլն։ Սա քննադատությո՞ւն է, պատվարժա՛ն դատարան, սա կարող է տեղավորվել խոսքի ազատության շրջանակներո՞ւմ»,- ասաց Ավետյանը՝ դիմելով դատավոր Դավիթ Արղամանյանին։
Սամվել Վարդանյանի պաշտպաններից Ռուբեն Մելիքյանը, մինչ մեղադրողի կողմի եզրափակիչ ելույթին անցնելը, միջնորդեց փոխել պաշտպանյալի խափանման միջոցը։ Դատարանը որոշեց խափանման միջոցներից վերացնել երկուսը՝ գրավն ու վարչական հսկողությունը։ Բացակայության արգելք խափանման միջոցը պահպանվում է։
Նշենք, որ Հակոբ Ասլանյանի և Սամվել Վարդանյանի միջև տեղի ունեցած միջադեպի օրը Վարդանյանը ձերբակալվել էր։ Նրա նկատմամբ քրեական վարույթ էր նախաձեռնվել խուլիգանության հոդվածով։ Այնուհետև մեղադրանքը լրացվել էր քաղաքական կամ այլ հայացքներով պայմանավորված թշնամանք կամ անհանդուրժողականություն հրահրելու հոդվածով:
Մանրամասները՝ տեսանյութում։
