24.04.2025 | 23:48
Հարգում ենք 110 տարի առաջ սարսափելի ցեղասպանության ժամանակ սպանված 1.5 մլն հայերի հիշատակը. Փելոսի
ՌԴ ԱԳՆ-ն հերքել է Սաուդյան Արաբիայում այսօր ԱՄՆ-ի հետ հանդիպման լուրերը
Քաղաքականություն
25.02.2025 | 15:14
Երեքշաբթի՝ փետրվարի 25-ին, Սաուդյան Արաբիայի մայրաքաղաք Էր Ռիադում ՌԴ ԱԳՆ-ի մասնակցությամբ հանդիպումներ չեն անցկացվում, ՌԻԱ Նովոստիին հայտնել են ՌԴ ԱԳՆ-ից։
«Այսօր Էր Ռիադում ԱԳ նախարարության մասնակցությամբ ոչ մի հանդիպում տեղի չի ունենում»,- նշել են գերատեսչությունում։
Հիշեցնենք, որ ավելի վաղ գերմանական Zeit պարբերականը դիվանագիտական աղբյուրներին հղումով գրել էր, թե Սաուդյան Արաբիայի մայրաքաղաք Էր Ռիադում Ուկրաինայի հարցով ռուս-ամերիկյան բանակցություններն այսօր կշարունակվեն։
Փետրվարի 24-ին ՌԴ նախագահ Վլադիմիր Պուտինը հայտարարել է, որ ուկրաինական հակամարտությունը դեռևս ըստ էության չի քննարկվել ԱՄՆ-ի հետ բանակցություններում։ Ավելի վաղ էլ Կրեմլը հայտարարել էր ԱՄՆ-ի և Ռուսաստանի ներկայացուցիչների նոր հանդիպման մասին։
Թարգմանությունը՝ Տաթև Ֆռանգյանի
