08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՄԱԿ-ի Գլխավոր ասամբլեան ընդունել է ՌԴ-ին դատապարտող բանաձև. ՀՀ-ն ձեռնպահ է եղել, ԱՄՆ-ն ու ՌԴ-ն՝ դեմ
Քաղաքականություն
24.02.2025 | 21:29
ՄԱԿ-ի Գլխավոր ասամբլեան հակառուսական բանաձև է ընդունել Ուկրաինայի վերաբերյալ, հաղորդում է «ՌԻԱ Նովոստի»-ն:
Կողմ է քվեարկել 93 երկիր, դեմ՝ 18, իսկ 65-ը՝ ձեռնպահ։
Բանաձևը կոչ է անում դեէսկալացիայի, ռազմական գործողությունների շուտափույթ դադարեցման և Ուկրաինայի դեմ պատերազմի խաղաղ կարգավորման: Մոսկվայից պահանջվում է անհապաղ, ամբողջությամբ և անվերապահորեն դուրս բերել բոլոր զորքերը Ուկրաինայի տարածքից և միակողմանիորեն դադարեցնել ռազմական գործողությունները։
Դեմ են քվեարկել Ռուսաստանը, Բելառուսը, ԱՄՆ-ն և մի քանի այլ երկիր։ Հայաստանը ձեռնպահ է մնացել։
Բանաձևը պատրաստել է Ուկրաինան՝ ավելի քան 50 երկրների հետ համահեղինակությամբ։
