09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱՄՆ-ը կոչ է արել հետ կանչել ՄԱԿ-ում հակառուսական բանաձևի նախագիծը․ FT
Քաղաքականություն
24.02.2025 | 21:05
ԱՄՆ-ը կոչ է արել հետ կանչել հակառուսական բանաձևի նախագիծը, որի շուրջ ՄԱԿ-ը կքվեարկի փետրվարի 24-ին։ Այն հեղինակել են Եվրամիությունը (ԵՄ) և Ուկրաինան, գրում է Financial Times-ը (FT)՝ հղում անելով սեփական աղբյուրներին։
Ուկրաինայի և ԵՄ-ի բանաձևի փոխարեն Վաշինգտոնն առաջարկել է իր տեքստը, ըստ որի՝ 2022 թվականին սկսված ռազմական գործողությունների ժամանակ Ուկրաինայի գործողությունները հավասարեցվում են Ռուսաստանի գործողություններին։
ԱՄՆ-ի ու ԵՄ-ի միջև դիմակայությունը կարող է հասնել ՄԱԿ-ի Անվտանգության խորհուրդ, որտեղ ԱՄՆ-ը կարող է կանգնել Ռուսաստանի և Չինաստանի կողքին, ասել են FT-ի աղբյուրները: Պարբերականի աղբյուրներից մեկը հայտարարել է, որ ԱՄՆ-ի կողմից ներկայացված ձևակերպումն անընդունելի է ՄԱԿ-ի համար։
«Այս [ԱՄՆ-ի] ձևակերպումն ակնհայտորեն անընդունելի է մեզ համար։ Այդ ամենը փոխկապակցված է և ԱՄՆ-ի դիրքերի ավելի լայն փոփոխության մի մասն է»,- ասել է պաշտոնյան:
Թարգմանությունը՝ Տաթև Ֆռանգյանի
