30.04.2026 | 12:00
ՀՀ-ում լրագրողները հաճախ ենթարկվում են ճնշման. Factor TV-ն մի շարք կայքերի հետ կատարում է անկախ վերահսկողի դեր. RSF
Մոսկվան ակնկալում է, որ Բաքուն կղեկավարվի ՌԴ-ի հետ դաշնակցային հարաբերություններով․ ՌԴ ԱԳՆ-ն՝ «Ռուսական տան» և Sputnik-ի փակման մասին
Քաղաքականություն
24.02.2025 | 22:43
Ադրբեջանը հասկանում է Ռուսաստանի Դաշնության հետ դաշնակցային հարաբերությունների կարևորությունը, և Մոսկվան ակնկալում է, որ Բաքուն իր հետագա քայլերում դրանով կառաջնորդվի։ Այս մասին հայտարարել է ՌԴ ԱԳ փոխնախարար Միխայիլ Գալուզինը՝ պատասխանելով երկու երկրների հարաբերությունների մասին հարցին Բաքվում «Ռուսական տան» և Sputnik-Ադրբեջանի փակման ֆոնին, գրում է ՏԱՍՍ-ը։
«Ես համոզված եմ, որ պաշտոնական Բաքուն հասկանում է Ռուսաստանի և Ադրբեջանի միջև դաշնակցային համագործակցության կարևորությունը։ Ես կցանկանայի հուսալ, որ մեր ադրբեջանցի գործընկերներն իրենց հետագա քայլերում կառաջնորդվեն մեր ղեկավարների պայմանավորվածությունների կատարման բացառիկ կարևորության ըմբռնմամբ, ինչը վերաբերում է մեր հարաբերությունների ամբողջ շրջանակին»,- ասել է Գալուզինը։
Հիշեցնենք, որ այսօր ավելի վաղ Ադրբեջանի ԱԳՆ խոսնակ Այխան Հաջիզադեն հայտարարել էր, որ Ադրբեջանում «Россия Сегодня» մեդիախմբի ներկայացուցչությունը՝ Sputnik-Ադրբեջանը, լուծարվել է։
Ավելի վաղ էլ Բաքվի պահանջով գործունեությունն էր դադարեցրել «Ռուսական տունը»։
Թարգմանությունը՝ Էմմա Չոբանյանի
