Քաղաքականություն
11.02.2025 | 15:18
Բաքվում «Ռուսական տան» գործունեության դադարեցումից հետո գրասենյակում ապամոնտաժման աշխատանքներ են սկսվել։ Ադրբեջանական լրատվամիջոցները հայտնում են, որ շենքից, որտեղ գտնվում է հաստատությունը, արդեն ապամոնտաժվել է ռուսերեն գրառմամբ «Ռուսական տուն» ցուցանակը։ Ըստ համացանցում տարածվող տեսանյութի և լուսանկարների՝ ադրբեջաներենով ցուցանակը դեռևս տեղում է։
Հավելենք, որ ավելի վաղ Ադրբեջանի ԱԳՆ-ն հայտնել էր, որ «Ռուսական տունը», որը «Ռոսսոտրուդնիչեստվո»-ի ներկայացուցչությունն է Ադրբեջանում, գրանցված չէ որպես իրավաբանական անձ, և որ կազմակերպությունը լրջորեն խախտել է Ադրբեջանի օրենսդրությունը։
2025 թվականի փետրվարի 3-ին Բաքուն ռուսական կողմին նոտա էր ուղարկել «Ռուսական տան» գործունեության դադարեցման մասին։ Նշվել էր, որ «Ադրբեջանում «Ռուսական տան» գործունեությունը դադարեցնելու՝ ադրբեջանական կողմի որոշման համաձայն՝ ռուսական կողմից ակնկալվում է համապատասխան միջոցներ ձեռնարկել այդ ուղղությամբ»։
Թարգմանությունը՝ Էմմա Չոբանյանի
