20.05.2026 | 10:03
«Արսենալը» 22 տարի անց դարձել է Անգլիայի չեմպիոն․ ՏԵՍԱՆՅՈՒԹ
Բաքուն հայտնում է Sputnik Ադրբեջանի փակման մասին
Քաղաքականություն
24.02.2025 | 12:58
Ադրբեջանում «Россия Сегодня» մեդիախմբի ներկայացուցչությունը՝ Sputnik-Ադրբեջանը, լուծարվել է։ Այս մասին ադրբեջանական լրատվամիջոցներին հայտնել է երկրի ԱԳՆ մամուլի խոսնակ Այխան Հաջիզադեն։
Նրա խոսքով՝ ռուսական մեդիաընկերությունն Ադրբեջանում կարող է հավատարմագրում ստանալ միայն մեկ թղթակցի համար։
Միաժամանակ, Հաջիզադեն հայտնել է, որ «Ամերիկայի ձայն» ռադիոկայանի ադրբեջանական ծառայության թղթակցի հավատարմագրումը չեղարկվել է։ Փակվել է նաև BBC-ի ներկայացուցչությունը երկրում։
Հավելենք, որ ավելի վաղ ադրբեջանական իշխանամերձ լրատվամիջոցները հայտնել էին, որ Բաքուն որոշել է փակել Sputnik-Ադրբեջանն ու BBC-ի ադրբեջանական ծառայությունը։ Օրերս էլ BBC-ն էր հայտարարություն տարածել՝նշելով, որ Ադրբեջանի կառավարությունը կարգադրել է դադարեցնել Բաքվում BBC-ի ադրբեջանական ծառայության գործունեությունը։
Թարգմանությունը՝ Էմմա Չոբանյանի
