17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
ԵԽ պատգամավորը հայտնել է, որ Թրամփը երեք շաբաթ ժամանակ է տվել ԵՄ-ին՝ Ուկրաինայի կապիտուլյացիայի շուրջ համաձայնության գալու համար
Քաղաքականություն
21.02.2025 | 15:30
ԱՄՆ նախագահ Դոնալդ Թրամփը Եվրոպային երեք շաբաթ ժամանակ է տվել՝ ստորագրելու Ուկրաինայի «կապիտուլացիայի» պայմանները, պնդում է Եվրախորհրդարանի ֆինն պատգամավոր Միկա Ալտոլան X-ում արված գրառման մեջ։
«Միացյալ Նահանգները մեզ երեք շաբաթ ժամանակ է տվել՝ համաձայնեցնելու Ուկրաինայի կապիտուլյացիայի պայմանները, եթե ոչ, ապա ԱՄՆ-ը կլքի Եվրոպան»,- ասվում է գրառման մեջ։
Նա իր պնդումների հետ կապված ոչ մի ապացույց չի ներկայացրել։
Իր հերթին, NBC News-ը, վկայակոչելով ամերիկացի պաշտոնյաներին, հայտնում է, որ պաշտպանության նախարար Փիթ Հեգսեթը ուկրաինացի պաշտոնյաներին փակ հանդիպման ժամանակ ասել է, որ Վաշինգտոնը կարող է զգալիորեն կրճատել իր զորքերի ներկայությունը Եվրոպայում: Տեղեկությունը հիմնված է Թրամփի վարչակազմի և Ուկրաինայի կառավարության միջև մասնավոր քննարկումներից լավատեղյակ աղբյուրների վրա:
Թարգմանությունը՝ Տաթև Ֆռանգյանի
