30.04.2026 | 11:46
ՀՀ-ն մամուլի ազատության ինդեքսում նահանջել է, սակայն մնում է տարածաշրջանում առաջատարը. հրապարակվել է RSF-ի զեկույցը
Թրամփը հայտարարել է, որ ՌԴ-ն «հաղթաթուղթ ունի բանակցություններում»
Քաղաքականություն
20.02.2025 | 16:02
ԱՄՆ նախագահ Դոնալդ Թրամփը հայտարարել է, որ իր կարծիքով՝ ՌԴ-ն ցանկացած խաղաղության բանակցություններում հաղթաթուղթ ունի, քանի որ «շատ տարածքներ է գրավել»։
«Կարծում եմ՝ ռուսները ցանկանում են վերջ տալ այս պատերազմին։ Կարծում եմ՝ նրանք հաղթաթուղթ ունեն, քանի որ նրանք գրավել են շատ տարածքներ»,- հայտարարել է Թրամփը՝ պատասխանելով BBC-ի հարցերին։
Հարցին՝ վստահո՞ւմ է ՌԴ-ին, որը պնդում է, որ խաղաղություն է ուզում, ԱՄՆ նախագահը պատասխանել է․ «Վստահում եմ»։
Ելույթ ունենալով Ֆլորիդայում՝ Դոնալդ Թրամփը երկրորդ անգամ Ուկրաինայի նախագահ Վլադիմիր Զելենսկիին անվանել է «բռնապետ»՝ նույնը Truth Social սոցցանցում անելուց մի քանի ժամ անց։ Սպիտակ տան պաշտոնական ներկայացուցիչը հայտարարել է, որ Թրամփի գրառումն ուղիղ պատասխան է եղել Զելենսկիի այն խոսքերին, որ ԱՄՆ նախագահն ապրում է «ապատեղեկատվության տարածքում»։
Թարգմանությունը՝ Տաթև Ֆռանգյանի
