19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ինչու են ռուս ոստիկանները ներխուժել ՀՀ ոստիկանության բաժին. ՀՔԱՎ փաստաբանը մանրամասնում է․ ՏԵՍԱՆՅՈՒԹ
Հասարակություն
20.02.2025 | 11:55
«2025 թվականի փետրվարի 13-ին ՀՔԱՎ գրասենյակի իրավական պաշտպանության ներքո գտնվող Ռոման Շկլովերին զանգահարել են ՀՀ ոստիկանության Երևան քաղաքի Մետրոպոլիտենի պահպանության բաժնից՝ հրավիրել բաժանմունք որոշ պարզաբանումներ ստանալու նպատակով։ Շկլովերը նույն պահին կապվել է ինձ և ՀՔԱ Վանաձորի գրասենյակի հետ, ինչից հետո իմ ուղեկցությամբ ներկայացել բաժին»,- մամուլի ասուլիսի ժամանակ երեկվա ահազանգի մասին բարձրաձայնեց Հելսինկյան քաղաքացիական ասամբլեայի Վանաձորի գրասենյակի փաստաբան Սամսոն Գալստյանը։
Նրա խոսքով՝ բաժնում պարզվել է, որ Շկլովերի նկատմամբ ՌԴ-ում քրեական գործ կա հարուցված և հետախուզում է հայտարարված.
«Րոպեներ անց ոստիկանության բաժին են ներկայանում քաղաքացիական համազգեստով երկու անձինք, որոնք ՀՀ ոստիկանության աշխատակիցների խոսքով՝ ՌԴ իրավապահ մարմինների աշխատակիցներ են և ցանկանում են խոսել Շկլովերի հետ։ Ես իմ վստահորդին բացատրեցի, որ նրանք որևէ իրավունք չունեն զրուցելու կամ պահանջներ ներկայացնելու, ուստի՝ կարող է հրաժարվել ՌԴ ոստիկանների առաջարկից։ Շկլովերը, հասկանալով, թե ինչ է իրեն սպասվում զրույցից և դրան հաջորդող՝ ՌԴ վերադարձից հետո, հրաժարվեց նրանց հետ անգամ խոսել»,- մանրամասնեց Գալստյանը։
Մանրամասները՝ տեսանյութում։
