09.10.2026 | 17:25
Էր Ռիադի օդանավակայանի վրա հութիների հարձակումների հետևանքով Սաուդյան Արաբիայի երեք քաղաքացի է զոհվել
ՀԱՄԱՍ-ը հայտարարել է, որ պատրաստ է ազատ արձակել բոլոր իսրայելցի պատանդներին
Քաղաքականություն
19.02.2025 | 15:09
Պաղեստինյան ՀԱՄԱՍ շարժումը պատրաստ է հրադադարի համաձայնագրի երկրորդ փուլի ընթացքում ազատ արձակել մնացած իսրայելցի պատանդներին, ասել է շարժման խոսնակ Հազեմ Քասեմը։ Միաժամանակ, ՀԱՄԱՍ-ը մերժել է զինաթափման և Գազայի հատվածից զորքերը դուրս բերելու՝ Իսրայելի պահանջը, հաղորդում է Al Jazeera-ն:
«ՀԱՄԱՍ-ին Գազայի հատվածից դուրս մղելու՝ օկուպանտների պայմանը անհեթեթ հոգեբանական պատերազմ է, իսկ Գազայի հատվածից դիմադրության դուրսբերումը կամ զինաթափումն անընդունելի է։ Գազայի հատվածի ապագայի վերաբերյալ ցանկացած պայմանավորվածություն ձեռք կբերվի ազգային կոնսենսուսի հիման վրա»,- ասել է Քասեմը։
Հունվարի 19-ից Իսրայելն ու ՀԱՄԱՍ-ը համաձայնեցրել են զինադադարի պայմանները։ Առաջին փուլում ՀԱՄԱՍ-ը պարտավորվել է ազատել 33 պատանդների, իսկ երկրորդ փուլում՝ բոլոր մնացածներին։ Դրա դիմաց իսրայելական կողմը բանտից ազատում է պաղեստինցի բանտարկյալներին։
Վերջին փոխանակումը տեղի է ունեցել փետրվարի 15-ին։ Իսրայելի իշխանությունների տվյալներով՝ ՀԱՄԱՍ-ի գերության մեջ է մնում 73 մարդ։ Անցյալ շաբաթ Իսրայելի վարչապետ Բենիամին Նեթանյահուն սպառնացել էր ոչնչացնել ՀԱՄԱՍ-ը, եթե պաղեստինյան շարժումը չվերադարձնի բոլոր պատանդներին։
Թարգմանությունը՝ Տաթև Ֆռանգյանի
