19.02.2026 | 21:27
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Վաշինգտոնը չի չեղարկի հակառուսական պատժամիջոցները՝ մինչև Ուկրաինայի հարցով խաղաղության համաձայնագրի կնքումը. Bloomberg
Քաղաքականություն
19.02.2025 | 12:12
ԱՄՆ-ը չի նախատեսում չեղարկել Ռուսաստանի դեմ պատժամիջոցները, քանի դեռ Ուկրաինայի հարցով խաղաղության պայմանագիր չի կնքվել, վստահեցրել է ԱՄՆ պետքարտուղար Մարկո Ռուբիոն եվրոպացի գործընկերներին, հայտնում է Bloomberg-ը՝ հղում անելով իր աղբյուրներին։
«Պետքարտուղար Ռուբիոն եվրոպացի դաշնակիցներին ասել է, որ Ռուսաստանի դեմ ԱՄՆ-ի պատժամիջոցներն ուժի մեջ կմնան առնվազն այնքան ժամանակ, մինչև համաձայնություն ձեռք բերվի Ուկրաինայում հակամարտությունը դադարեցնելու վերաբերյալ»,- ասվում է զեկույցում:
Bloomberg-ը գրում է, որ ԱՄՆ պետքարտուղարն այս մասին հայտնել է «եվրոպական գործընկերների խմբին» երեքշաբթի օրը՝ Սաուդյան Արաբիայում ռուս ներկայացուցիչների հետ հանդիպումից հետո կայացած հեռախոսազրույցի ժամանակ։
Երաշխիքները կարող են որոշակիություն տրամադրել եվրոպացի դաշնակիցներին, որոնք մտավախություն ունեն, որ Միացյալ Նահանգները գործարք կկնքի Ռուսաստանի հետ, կթուլացնի ռազմական աջակցությունն Ուկրաինային և հակառուսական պատժամիջոցները, որոնք Բայդենի վարչակազմը սահմանել էր եվրոպացի դաշնակիցների հետ համագործակցելով, նշում է գործակալությունը։
Սահմանափակումները վաղաժամկետ վերացնելու՝ ԱՄՆ-ի որոշումը «մեծ հարված կհասցնի Պուտինի ռազմական մեքենայի ֆինանսավորման համար անհրաժեշտ գումարից զրկելու՝ Եվրոպայի ջանքերին», ասվում է հրապարակման մեջ:
Թարգմանությունը՝ Տաթև Ֆռանգյանի
