10.08.2026 | 10:10
Ուկրաինական ԱԹՍ-ները հարվածել են Նիժնեկամսկին․ թիրախը, հավանաբար, «Նիժնեկամսկնեֆտեխիմ» գործարանն է եղել
Վատիկանը հայտնում է Հռոմի պապի առողջության հետ կապված «բարդ կլինիկական իրավիճակի» մասին
Քաղաքականություն
17.02.2025 | 19:51
Հռոմի Ֆրանցիսկոս պապը մեկ շաբաթ առաջ հիվանդացել էր բրոնխիտով և անցած ուրբաթ հոսպիտալացվել Հռոմի «Gemelli» հիվանդանոցում: Երկուշաբթի Հռոմի պապի ինքնազգացողությունը վատացել է, և բժիշկները ստիպված են եղել փոխել նրա բուժումը, գրում է BBC-ի ռուսական ծառայությունը։
Վատիկանը հայտնել է, որ 88-ամյա կաթոլիկ քահանայապետը պոլիմիկրոբային շնչառական վարակ ունի, որը պահանջում է փոփոխություններ կատարել նրա բուժման մեջ՝ «բարդ կլինիկական իրավիճակը» լուծելու համար:
Հռոմի պապը հիվանդանոցում կմնա այնքան ժամանակ, որքան անհրաժեշտ լինի, ասվում է Վատիկանի հայտարարության մեջ։
Վատիկանի խոսնակ Մատեո Բրունին հայտնել է, որ Ֆրանցիսկոս պապը «լավ տրամադրություն ունի»: Նա նշել է, որ նրա առողջական վիճակի մասին լրացուցիչ տեղեկություններ կհրապարակեն ավելի ուշ:
Թարգմանությունը՝ Տաթև Ֆռանգյանի
