04.05.2025 | 11:48
Հայկավանի միջնակարգ դպրոցում փորձարկվելու է էլեկտրական շչակ
ՀԱՄԱՍ-ը համաձայնել է Գազայի հատվածը հանձնել Պաղեստինի ինքնավարությանը
Քաղաքականություն
17.02.2025 | 13:48
ՀԱՄԱՍ շարժումը հայտարարել է, որ պատրաստ է Գազայի հատվածը հանձնել Պաղեստինի ազգային իշխանությանը (PNA), հայտնում է Sky News Arabia-ն՝ հղում անելով իր աղբյուրներին։
ՀԱՄԱՍ-ը Կահիրեում բանակցությունների ժամանակ Եգիպտոսի ճնշման ներքո ընդունված իր որոշման մասին հայտնել է Պաղեստինի ազատագրման կազմակերպության ղեկավարությանն ուղղված նամակում, նշում է հեռուստաալիքը։ Միևնույն ժամանակ, ՀԱՄԱՍ-ը պահանջներ է ներկայացրել՝ նոր վարչակազմում պետք է ընդգրկվի իրենց ցանկացած պետական ծառայող, և պետք է երաշխավորվեն նրանց կենսաթոշակները։
Հիշեցնենք, որ փետրվարի 15-ին ՀԱՄԱՍ-ը միջնորդներին տեղեկացրել է, որ մտադիր է կատարել Իսրայելի հետ հրադադարի համաձայնագիրը և մտադիր չէ ապագայում մասնակցել Գազայի հատվածի կառավարմանը։
Եգիպտոսը, ըստ աղբյուրի, ինտենսիվ խորհրդակցություններ է անցկացնում ժամանակավոր հանձնաժողովի ստեղծման շուրջ, որը պատասխանատու կլինի անկլավի բնակիչներին օգնություն տրամադրելու և դրա վերականգնման համար:
Թարգմանությունը՝ Տաթև Ֆռանգյանի
